Qazaqstanda 2026 jylǵa arnalǵan mádenı-týrıstik is-sharalar kúntizbesi ázirlendi, dep habarlaıdy DalaNews.
Qujatty Týrızm jáne sport mınıstrligi «Kazakh Tourism» ulttyq kompanıasymen birlesip daıyndaǵan. Bıylǵy kúntizbege el boıynsha ótetin 55 iri is-shara engizilgen. Olardyń qatarynda mádenı, etnomádenı, gastronomıalyq, sporttyq jáne ekologıalyq baǵyttaǵy sharalar bar.
Jyl basynan beri bul tizimdegi birqatar is-sharalar joǵary deńgeıde uıymdastyrylyp úlgerdi. Atap aıtqanda, Burabay Ice festıvali, Astana Symphony konserti, qysqy drıft kýbogy, «Amal keldi – jyl keldi» merekesi jáne Shymkentte ótken «DámDástúr» halyqaralyq gastronomıalyq festıvali myńdaǵan kórermen men týrısi jınady.
Mınıstrliktiń málimetinshe, endi barlyq aqparat bir platformada shoǵyrlanǵan. İs-sharalardyń tolyq tizimi, ótetin kúnderi men oryndary arnaıy saıtta jarıalanǵan. Bul týrıserge óz saparyn aldyn ala josparlap, qyzyqty baǵyttardy tańdaýǵa múmkindik beredi.
