ۇستازدىق ەتكەن جالىقپاس، ۇيرەتۋدەن بالاعا» دەپ دانىشپان اباي ايتقانداي، ەرىنبەي، جالىقپاي ەتكەن ەڭبەگىنىڭ ارقاسىندا شاكىرتتەرىنىڭ جۇرەگىنە جول تابا بىلگەن ءمۇعالىم عانا ناعىز ۇستاز بولا الادى.ءاردايىم ۇستازدى قۇرمەتتەپ، سىيلاۋ – ادامزاتتىڭ ۇلكەن پارىزى.

ناعىز ۇستاز بولۋ – باقىت ءارى ابىروي. شىندىعىندا، ءمۇعالىم بولۋ وڭاي بولىپ كورىنگەنمەن ، ال ناعىز ۇستاز بولۋ ەكىنىڭ ءبىرىنىڭ قولىنان كەلە بەرمەسى انىق. "ۇستازدى التىن دىڭگەككە تەڭەر ەدىم" – دەپ ۇلى پەداگوگ ى.التىنسارين ايتقانداي، ۇستاز جولى قيىنشىلىعى مەن راحاتى كوپ ماماندىق اتاۋلىنىڭ ۇلىسى. ۇستازدىق ەتۋ تىنباي جۇمىس ىستەۋ، ءوز ۋاقىتىن اياماي، وزگەنىڭ باقىتىن ايالاۋ. ءوز شاكىرتتەرىن ءبىلىمنىڭ شۋاعىمەن نارلەندىرىپ وتىرىپ ادامگەرشىلىك قاسيەتىن، مەيىرىم شۋاعىن بولاشاق ۇرپاقتىڭ بويىنا دارىتۋ.

ۇستازدىق قىزمەتى ءارقاشان كۇردەلى دەگەنمەن،ۇستازدارعا شاكىرتتەردىڭ قۇرمەتى ەرەكشە.بىزدە ءوز تاراپىمىزدان،ۇستاز دەگەن ۇلى اتتى قادىرلەپ «ۇستاز اتى-بيىك،ءارى ماڭگىلىك»   اتتى ءىس-شارا وتكىزدىك.ءىس-شارا بۇۇ-نىڭ تۇراقتى دامۋ ماقساتتارى  4 باعىتى اياسىندا وتكىزىلدى.ءىس-شارا بارىسىندا پروفەسسورلار قۇرامى مەن وقىتۋشىلاردىڭ تاراپىنا جىلى لەبىز ءبىلدىرىپ،قۇرمەت كورسەتتىك. ۇستاز -جاراتىلىسىنان وزىنە ايتىلعاننىڭ ءبارىن جەتە تۇسىنگەن، كورگەن، ەستىگەن جانە اڭعارعان نارسەلەردىڭ ءبارىن جادىندا جاقسى ساقتايتىن، ەشنارسەنى ۇمىتپايتىن العىر دا اڭعارىمپاز اقىل يەسى!

«ەسكىدەن قول ءۇزىپ، جاڭاعا قول جەتكىزگەندەر عانا ءمۇعالىم بولا الادى» دەپ قىتايدىڭ دانا ويشىلى كونفۋسيي ايتقانداي، ياعني ءمۇعالىم وتكەن تاجىريبەسىن جاڭامەن ۇشتاستىرا الاتىن، كاسىبي قىزىعۋشىلىعى جوعارى، تانىمى بيىك، باستاعان ءىسىنىڭ ناتيجەسىن كورە الاتىن، عىلىمي زەرتتەۋ جۇمىستارىن تاڭداي بىلەتىن، پەداگوگيكالىق ءۇردىستىڭ زاڭدىلىقتارىمەن ەتەنە تانىس، وقىتۋدىڭ ادىستەمەلىك جاڭالىقتارىنان حاباردار، وقىتۋ ءۇردىسىن ىزدەنىمپازدىقپەن ارتتىراتىن ءوز ءىسىنىڭ شەبەرى بولۋى كەرەك.

ەل تاۋەلسىزدىگىن قالپىنا كەلتىرگەن العاشقى وتىز جىلدا، ۇستاز قاۋىمنىڭ مارتەبەسى تومەندەپ كەتكەنى سان مارتە ايتىلدى. رەفورمادان كوز اشپاعان ءبىر سالا بولسا، ول دا ءبىلىم سالاسى.

دەگەنمەن سوڭعى ەكى-ۇش جىلدىڭ ىشىندە  مۇعالىمدەردىڭ ابىرويى كوتەرىلىپ، مارتەبەسى دە وسە باستادى. پەداگوگيكالىق ماماندىقتىڭ ءباسى جوعارىلادى. تۋراسى – بۇرىنعىداي مەكتەپ بىتىرۋشىلەر ەندى تومەنگى بالمەن بۇل سالاعا تۇسە المايدى. بىرتىندەپ ءمۇعالىم دەگەن ماماندىق مارتەبەلى ماماندىققا اينالا باستادى.

بۇل وتە دۇرىس ساياسات ەكەندىگىن اتاپ ايتقان ابزال. قازىرگى  زامانداعى ەڭ الدىڭعى قاتارلى ەلدەردىڭ بارلىعى دەرلىك ءعىلىم-بىلىم ارقىلى دامىعانى داۋ تۋعىزبايدى. ۇرپاق بولاشاعى، حالقىمىزدىڭ كەلەشەگى قازىرگى ۇستازداردىڭ قولىندا. ۇرپاققا تاربيە بەرۋ، ءبىلىم نارىمەن سۋسىنداتۋ – ەكىنىڭ ءبىرىنىڭ قولىنان دا كەلە بەرمەيدى. سوندىقتان، ۇستاز بولۋ – جۇرەكتىڭ باتىرلىعى دەپ باعالاۋعا بولادى.

 

بيسكۋلتانوۆا البينا

ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتى مەملەكەت جانە قۇقىق تەورياسى مەن تاريحى،كونستيتۋسيالىق جانە اكىمشىلىك قۇقىق كافەدراسىنىڭ اعا وقىتۋشىسى