كٶبٸسٸ «حالىق جاۋى» اتانىپ, اتىلعاندارعا تيەسٸلٸ. بۇل تٸزٸم جىلىنا 10-15 ادامعا تولىعىپ جاتىر.
مۋزەي قىزمەتكەرلەرٸنٸڭ وقو ٸٸد-ٸنە تٸكەلەي شىعىپ, دەرەك سۇراتا الار قۇزٸرەتٸ بار. سول ارقىلى تالاي ادام تابىلىپتى. مۋزەي قورى ەلٸ دە تولىعاتىن تٷرٸ بار. ٶيتكەنٸ كەزٸندە «حالىق جاۋىنىڭ ۇرپاقتارى» دەگەن سٶزدەن قورقىپ, ٷرەيمەن كٷن كەشكەندەر بٷگٸندە اتا-بالالارى تۋرالى دەرەكتەردٸ سۇراتۋدا ەكەن.
مۋزەي ديرەكتورىنىڭ ورىنباسارى گٷلميرا سەرٸكباەۆانىڭ ايتۋىنشا, ابايدىڭ ۇلى تۇراعۇل شىمكەنتكە كەلٸپ كٶز جۇمعان. تۇراعۇلدىڭ سٷيەگٸ قازٸرگٸ قورعاسىن زاۋىتىنىڭ استىندا قالعان.
سول تۇراعۇلدىڭ جالعىزى گٷلباداننىڭ تۋعان قىزى ايگٷل مٷشتارقىزى شىمكەنت قالاسىندا تۇرادى ەكەن.
"بۇل – بٸر پاراعى اشىلعانىمەن دە مىڭ پاراعى اشىلماعان تاريح قوي. قازاقستان بويىنشا 1937-38 جىلدارى 120 مىڭ ادام قۋعىن-سٷرگٸنگە ۇشىراعان. 113 مىڭى ەش كٸنەسٸ بولماسا دا سوتتالعان. سونىڭ ٸشٸندە «25 مىڭ ادام اتىلدى» دەگەن دەرەك بار. ال «وقو بويىنشا 2 500 ادام اتىلدى» دەلٸنگەنٸمەن, ناقتى ەمەس. وبلىستىق ٸشكٸ ٸستەر دەپارتامەنتٸنەن الىنعان مەلٸمەت بويىنشا 4001 ادام اتىلعان. سۇراۋ سالىپ جٷرٸپ, انىقتالعان ناقتى مەلٸمەت وسى. بۇل دەرەك ەش جەردە ايتىلمايدى. كٶبٸنەسە «2500 ادام اتىلدى» دەگەن ەۋ باستاعى مەلٸمەت ايتىلىپ جٷر. تاريحىمىزعا قۇرمەتپەن قارايتىندار مۇنى دا ەسكەرسە ەكەن», – دەيدٸ ول.
ۇلت ٷشٸن جانىن قيعان بوزداقتارىمىز تۋرالى بٸلەر جۇرت از. تاريحشىلار مەن مۋزەيدەگٸلەر بٸلمەسە قالىڭ بۇقارا مەن-جايىنان حابارسىز. ساياسي قۋعىن-سٷرگٸن قۇرباندارىنىڭ ەلەۋسٸز قالىپ قوياتىنى كٶڭٸلگە قاياۋ تٷسٸرەدٸ. مەكتەپ وقۋلىقتارىندا دا قالقىپ قانا ٶتەدٸ. تەرەڭدەتٸپ وقىتپايدى. «قازاق تاريحىندا ويىپ ورىن الاتىن الاش ارداقتىلارىنا لايىق قۇرمەت كٶرسەتٸلسە» دەگەن قالاۋىمىز عانا بار.
