تۇركىستان وبلىسىندا بالالارعا ارنالعان ءوڭىرارالىق وڭالتۋ ورتالىعىن اشىلماق.
تۇركىستان ءوڭىرى دەنساۋلىق ساقتاۋ باسقارماسى قازاقستان رەسپۋبليكاسىندا بالالاردا سيرەك كەزدەسەتىن اۋرۋلاردىڭ دياگنوستيكاسى مەن ونى ەمدەۋدىڭ جاڭا ستاندارتتارىن ەنگىزۋ جونىندەگى 2017-2019 جىلدارعا ارنالعان جول كارتاسى اياسىندا الماتى قالاسىنداعى «پەدياتريا جانە بالالار حيرۋرگيا ورتالىعى» مەن ۇكىمەتتىك ەمەس ۇيىمدار، «HELP TODAY قوعامدىق قورى»، «مۋكوۆيسيدوزبەن اۋىراتىن مۇگەدەك بالالار» قوعامدىق بىرلەستىگى جانە «اسىل بالا» قوعامدىق قورىمەن بىرلەسە وتىرىپ دوڭگەلەك ۇستەل وتكىزىپ، وبلىس بويىنشا سيرەك كەزدەسەتىن اۋرۋ تۇرلەرىمەن اۋىراتىن بالالاردىڭ ماسەلەسىن تالقىلادى.
جيىننىڭ بارىسىندا سيرەك كەزدەسەتىن (ورفاندى) اۋرۋلارمەن اۋىراتىن بالالارعا مەديسينالىق كومەك كورسەتۋ ساپاسىن جاقسارتۋ جانە وڭالتۋ ماسەلەلەرى ورتاعا سالىندى.
سيرەك كەزدەسەتىن (ورفاندى) اۋرۋلار — قوعامنىڭ شاعىن بولىگىن قامتيتىن، كوبىنەسە تۇقىم قۋالايتىن جانە ءومىر بويى اۋىراتىن گەندىك اۋرۋ بولىپ تابىلادى. كوپتەگەن سيرەك كەزدەسەتىن تۇقىم قۋالايتىن جانە تۋا بىتكەن اۋرۋلار بولىپ ەسەپتەلەدى جانە سابيلەردىڭ 30% — عا جۋىعى 5 جاسقا دەيىن عانا ءومىر سۇرەدى. وڭتۇستىك قازاقستان وبلىسىندا قازىرگى تاڭدا 146 بالا مۋكوۆيسيدوز، مۋكوپوليساحاريدوز، گوشە اۋرۋى، دراۆە سيندرومى، گەموفيليا، بۋللەزدى ەپيدەرموليز، جەتىلمەگەن وستەوگەنەز جانە جاسوسپىرىمدەر ءارتريتى سەكىلدى سيرەك كەزدەسەتىن (ورفاندى) اۋرۋ تۇرلەرىمەن اۋىرادى. ورفاندى اۋلۋلارمەن اۋىراتىن بارلىق بالالار بمسك ۇيىمدارىندا، سونداي-اق تۇركىستان دسب – ڭ بەيىندى شتاتتان تىس باس ماماندارىنىڭ ديسپانسەرلىك ەسەبىندە تۇرادى جانە بالالارعا ارنالعان اۋرۋحانالار مەن وبلىستىق وڭالتۋ ورتالىقتارىندا تۇراقتى تۇردە ەمدەلەدى. رەسپۋبليكالىق جانە جەرگىلىكتى بيۋدجەتتەن بولىنەتىن كەرەكتى دارى-دارمەكتەرمەن تولىق قامتاماسىز ەتىلەدى.
جىل سايىن اتالعان بالالار رەسپۋبليكالىق دەڭگەيدە الماتى قالاسىنداعى پەدياتريا جانە بالالار حيرۋرگيا ورتالىعى مەن استانا قالاسىنداعى «انا مەن بالا ۇلتتىق عىلىمي ورتالىعىندا» ەمدەلۋ كۋرستارىنان جانە دياگنوستيكالىق تەكسەرۋلەردەن وتەدى. ۇسىنىستار نەگىزىندە ايماقتىق دەڭگەيدە ەم جۇرگىزىلىپ، قاجەت بولعان جاعدايدا رەسپۋبليكالىق جانە جەرگىلىكتى بيۋدجەتكە دارى-دارمەكپەن قامتاماسىز ەتۋ ءوتىنىمى جولدانادى.
