وسى ماقساتتا تۇركىستان قالاسى 32 سەكتورعا بولىنگەن. ءار اۋماققا اۋدان، قالا اكىمدىكتەرى مەن باسقارما باسشىلارى تىكەلەي جاۋاپتى. وبلىس ورتالىعىمەن بىرگە قالىپتاسىپ، بىرگە بوي كوتەرگەن «جاسىل بەلدەۋدى» ارالاعان سايىن ءومىرزاق ەستاي ۇلى ەگىلگەن كوشەتتەردىڭ سۋارىلۋىنا اسا ءمان بەرۋدى مىندەتتەيدى.
ول ءۇشىن سەكتور اۋماعىندا ۇڭعىمالار قازىلىپ، جەر استى سۋلارى پايدالانۋدا. ءار سەكتوردا 10 مىڭعا جۋىق كوشەتتەر وتىرعىزىلىپ، ءار تالدىڭ تۇبىنە سۋ جەتكىزىلۋدە. تامشىلاتىپ سۋارۋ جۇيەسى جۇرگىزىلدى. كەي سەكتورلار قاجەتتى سۋدى ارىس-تۇركىستان كانالىنان تارتۋدا. سونىمەن قاتار، اعاشتاردى وتىرعىزۋ بارىسىندا ءتيىستى تىڭايتقىشتار قولدانىلعان.
كوشەلەردە جارىق شامدار، قوقىس جاشىكتەرى مەن تۇرعىنداردىڭ دەمالۋىنا ارنالعان ورىندىقتار ورناتىلدى. سونداي-اق دەمالىس ورىندارى مەن كوشەلەردىڭ بويىنا سۋبۇرقاقتار قويىلدى. قالانى كوركەيتۋ ءبىر ۇلگىدە جۇزەگە اسۋدا. قالا اۋماعىندا ۆەلوجولدار توسەلىپ، گازون شوپتەرى ەگىلگەن. اپتا سايىن 32 سەكتور اۋماعىندا اۋدان، اۋىلداردان كەلگەن ازاماتتاردىڭ قاتىسۋىمەن سەنبىلىكتەر ۇيىمداستىرىلۋدا.
تۇركىستان شاھارىن كوركەيتۋ، ەكولوگيالىق جاعدايدى جاقسارتۋ ءۇشىن كەشەندى جۇمىس ءجۇرىپ جاتقانى بەلگىلى. وبلىس باسشىسى ءومىرزاق شوكەيەۆتىڭ تاپسىرماسىنا سايكەس، جاسىل كوشەتتەردى جەلدەن، سۋىقتان جانە باسقا دا سىرتقى فاكتورلاردان قورعاۋ ءۇشىن اعاشتار قورعانىش جىپپەن بايلانىپ، تىرەۋلەرمەن قورشالۋدا. ءبىرقاتار جوبالاردى جۇزەگە اسىرۋعا تۇركىستاندىقتار تىكەلەي اتسالىسقاندىقتان، ولار «حالىقتىق جوبا» اتالدى.
