تۇركىستان قالاسىندا ءوز نەسىبەسىن جەردەن تەرگەن، قاجىرلى ەڭبەكتەرىمەن قوعامنىڭ الەۋمەتتىك تۇراقتىلىعىنىڭ نىعايۋىنا قوماقتى ۇلەس قوسىپ كەلە جاتقان تۇركىستان وبلىسىنىڭ اۋىل شارۋاشىلىعى قىزمەتكەرلەرى كۇنىنە وراي «AGROFEST TÚRKISTAN – 2024» سالتاناتتى شاراسى ءوتىپ جاتىر.
بۇل كۇنى تۇرعىندارعا الا جازداي ريزىق-نەسىبەسىن جەردەن تەرگەن ءوڭىر ديقاندارىنىڭ 3000 توننادان استام ونىمدەرى ۇسىنىلدى. «كەرۋەن ساراي» تۋريستىك كەشەنىندە ۇيىمداستىرىلعان مەرەكەلىك شارادا اسىل تۇقىمدى مال شارۋاشىلىعى مەن تەحنيكالار كورمەسى جانە اۋىل شارۋاشىلىعى ونىمدەرىنىڭ جارمەڭكەسى جانە ۇلتتىق سپورت تۇرلەرىنەن جارىستار وتۋدە.
اۋقىمدى شاراعا قاتىسقان تۇركىستان وبلىسىنىڭ اكىمى دارحان ساتىبالدى اۋىل شارۋاشىلىعى تەحنيكالار كورمەسىن كورىپ، «تۇران سۋ» مكك، «ۆەتەريناريالىق قىزمەت» مكك-نا ارنايى تەحنيكالار تابىستادى. اۋىل شارۋاشىلىعى ونىمدەرى جارمەڭكەسىن ارالاپ، كول ونەر شەبەرلەرىنىڭ جۇمىستارىمەن جانە مال شارۋاشىلىعى كورمەسىمەن تانىستى. ەڭبەك ادامدارىنا قۇرمەت كورسەتكەن وبلىس اكىمى اۋىل شارۋاشىلىعى سالاسى وكىلدەرىن قۇتتىقتادى.
– حالىقتىڭ ءال-اۋقاتىنىڭ جوعارى بولۋى – اگروونەركاسىپتىك كەشەنىنىڭ دامۋىمەن تىعىز بايلانىستى. سىزدەردىڭ ەڭبەكتەرىڭىزدىڭ ارقاسىندا وبلىستىڭ اگروونەركاسىپ كەشەنى تۇراقتى دامىپ كەلەدى. تۇركىستان وبلىسى اگرارلىق سالانى دامىتۋدا ەلىمىزدە جەتەكشى ورىنعا تۇراقتاعان. اۋىل شارۋاشىلىعىندا ەلىمىزدەگى جالپى ءونىم كولەمىنىڭ 14 پايىزى وندىرىلەدى. بيىل 9 ايدا 747 ملرد. تەڭگەگە جۋىق ءونىم ءوندىرىلدى.
مەملەكەت باسشىسى قاسىم-جومارت كەمەل ۇلى «اۋىل شارۋاشىلىعىن دامىتپاي، باسەكەگە قابىلەتتى ەكونوميكا قۇرۋ مۇمكىن ەمەس» دەپ، بۇل سالاعا ەرەكشە ءمان بەرەدى. وسى تۇرعىدا، ونىمدىلىكتى ارتتىرۋ جانە جاڭا تەحنولوگيالاردى ەندىرۋ باعىتىندا، ءبىز كورشىلەس وزبەكستان، جۇڭگو جانە تۇركيا، اۆستراليا مەملەكەتتەرىنىڭ وڭ تاجىريبەلەرىن ەندىرۋىمىز قاجەت. وبلىستىڭ تابيعي – كليماتتىق قولايلىعى، جۇمىس كۇشى تۇرعىسىندا سالانى جان-جاقتى دامىتۋعا مول مۇمكىندىكتەر بەرەدى.
زامان كوشىنەن قالماي، ءبىز ورلەۋ ءۇشىن الدىمىزعا اۋقىمدى جوسپارلار ءتۇزىپ، بيىك مەجەلەردى بەلگىلەپ وتىرمىز. سىزدەرگە ادال ەڭبەكپەن ەلىمىزدىڭ دامۋى مەن وركەندەۋىنە ولشەۋسىز ۇلەس قوسىپ جۇرگەندەرىڭىز ءۇشىن قۇرمەتپەن العىسىمدى بىلدىرەمىن. وزدەرىڭىزبەن بىرگە، وبلىستىڭ اگرارلىق سالاسىنىڭ جاڭا باعىتتا دامۋىنا قول جەتكىزەتىندىگىمىزگە ۇلكەن سەنىممەن قارايمىن. ويتكەنى، تۇركىستان ءوڭىرىنىڭ ەڭبەكقور ەلى، قۇنارلى جەرى بار. سىزدەردى بۇگىنگى مەرەكەمەن قۇتتىقتاي وتىرىپ، زور دەنساۋلىق، وتباسىلارىڭىزعا اماندىق، بەرەكە مەن بىرلىك تiلەيمiن! ەلىمىزدىڭ يگىلىگى جولىندا جاڭا تابىستارعا جەتە بەرىڭىزدەر. مەرەكە قۇتتى بولسىن! – دەدى دارحان ساتىبالدى.
سالتاناتتى شارادا وبلىس اكىمى ءبىر توپ ازاماتتى قازاقستان رەسپۋبليكاسى اۋىل شارۋاشىلىعى مينيسترلىگىنىڭ «ەڭبەك ارداگەرى» مەدالىمەن، «اۋىل شارۋاشىلىعى سالاسىنىڭ ۇزدىگى» توسبەلگىسىمەن ماراپاتتادى. جيىندا وبلىستىڭ اگرارلىق سالاسىنىڭ دامۋىنا بەلسەندى ۇلەس قوسىپ كەلە جاتقان وزات اگروقۇرىلىم باسشىلارى مەن وكىلدەرىنە دە قۇرمەت كورسەتىلدى.
سونداي-اق وبلىستىڭ اگروونەركاسىپتىك كەشەنىندە دامۋ كورسەتكىشتەرىن ورىنداۋدا العاشقى ۇشتىككە ەنگەن جانە نەگىزگى كاپيتالعا ينۆەستيسيا تارتۋدا وزات اۋدان، قالا اكىمدەرى وبلىس اكىمىنىڭ ديپلومىمەن ماراپاتتالادى. ءبىرىنشى ورىندى قايتا وڭدەۋ سالاسىن دامىتۋدا كوش باستاعان، 13 دامۋ كورسەتكىشتەرى بويىنشا العاشقى ورىنعا شىققان، جالپى ءونىم كولەمى 108،7 ملرد. تەڭگەنى قۇراپ، ناقتى كولەم يندەكسى 129،8 پايىزعا جەتىپ، وبلىستىق كورسەتكىشتىڭ ورىندالۋىن قامتاماسىز ەتكەن سايرام اۋدانى اكىمدىگى جەڭىپ الدى. ەكىنشى ورىندى قازىعۇرت اۋدانىنىڭ ەڭبەككەرلەرىنە بۇيىرسا، ۇشىنگى ورىنعا جەتىساي اۋدانى لايىق دەپ تانىلدى.
«AGROFEST TÚRKISTAN - 2024» مەرەكەلىك ءىس-شاراسى قازاقستاننىڭ جارىق ەسترادا جۇلدىزدارى «مۇزارت» توبى، قايرات نۇرتاس جانە ميراس جۇگىنىسوۆتىڭ قاتىسۋىمەن كەشكى گالا - كونسەرتپەن جالعاساتىن بولادى.
ايتا كەتەيىك، تۇركىستان وبلىسىندا بۇل سالادا ماقتا كلاستەرىن دامىتۋ، اۆستراليا تاجىريبەسى نەگىزىندە ەت كلاستەرىن قۇرۋ، جىبەك شارۋاشىلىعىن دامىتۋ، سۋبتروپيكالىق جىلىجاي شارۋاشىلىعىن ۇلعايتۋ، قايتا وڭدەۋ سالاسىنىڭ باسەكەگە قابىلەتتىلىگىن ارتتىرۋ كوزدەلگەن. الداعى 5 جىلدا اۋىل شارۋاشىلىعىنىڭ جالپى ءونىم كولەمىن 2،2 ەسە ارتتىرۋ كوزدەلگەن.
وبلىستا 80 مىڭعا جۋىق اگروقۇرىلىمدار جۇمىس جاسايدى، بۇل رەسپۋبليكالىق كورسەتكىشتىڭ 31 پايىزى. وڭىرىمىزدە 1 ملن. اۋىل تۇرعىندارىنىڭ الەۋمەتتىك جاعدايى اۋىل شارۋاشىلىعىنا تىكەلەي قاتىستى. اۋىل شارۋاشىلىعىنىڭ نەگىزگى كاپيتالىنا تارتىلعان ينۆەستيسيالار 1،6 ەسەگە دەيىن ارتىپ، 148 ملرد.تەڭگەگە جەتتى. قايتا وڭدەۋ كولەمى 94 ملرد. تەڭگەنى قۇرادى. ەت ەكسپورتى بويىنشا وبلىس – ەلىمىزدىڭ كوشباسىندا كەلەدى. ەكسپورتقا شىعارىلاتىن ءىرى قارا مال ەتىنىڭ – 80 پايىزى، ۇساق مال ەتىنىڭ – 75 پايىزى تۇركىستان وبلىسىنىڭ ۇلەسىندە.
بيىل وبلىستا اۋىل شارۋاشىلىعىنىڭ الەۋەتىن ارتتىرۋدا كەشەندى شارالار قابىلداندى. مەملەكەت باسشىسى ۇكىمەتكە ەڭ الدىمەن، سۋدى ۇنەمدەيتىن وزىق تەحنولوگيانى ەنگىزۋ ءىسىن تەزدەتىپ، ونى قولدانۋ اۋماعىن جىل سايىن 150 مىڭ گەكتارعا دەيىن كەڭەيتۋدى تاپسىرىپ وتىر. وسى تۇرعىدا، وبلىستا سۋ ۇنەمدەۋ تەحنولوگيالارىن جاڭادان 17 مىڭ گەكتارعا ەندىرىلدى. تەحنولوگيانىڭ قول جەتىمدىلىگىن ارتتىرۋ ءۇشىن، 3 جەرگىلىكتى زاۋىت ىسكە قوسىلدى. مەملەكەت تاراپىنان سۋ ۇنەمدەۋ تەحنولوگيالارىن ەندىرۋ شىعىستارىنىڭ 80 پايىزىن سۋبسيديالاۋ جۇرگىزۋدە.
بۇل سالاعا جاڭا تەحنولوگيالاردى ەندىرۋگە باسىمدىق بەرىلگەن. بيىل اعىن سۋدى، ەنەرگيانى، ەڭبەك رەسۋرستارى مەن مينەرالدى تىڭايتقىشتاردى ۇنەمدەي وتىرىپ، جاڭا تەحنولوگيامەن 2 مىڭ گەكتارعا ەگىلگەن ماقتا داقىلى 60 سەنتنەردەن ءونىم الۋعا مۇمكىندىك بەرىپ وتىر. بۇل وبلىستىڭ ورتاشا كورسەتكىشىنەن 2،5 ەسەگە جوعارى. «قازاگروقارجى» اكسيونەرلىك قوعامىنىڭ جىلدىق 5 پايىزدىق قول جەتىمدى ليزينگتىك باعدارلاماcى ىسكە قوسىلدى. ناتيجەسىندە، 9 ايدا جاڭادان 1 603 بىرلىك اۋىل شارۋاشىلىعى تەحنيكالارى ساتىپ الىنىپ، وبلىستاعى تەحنيكالار پاركى 6،3 پايىزعا جاڭالاندى. بۇل جۇمىستار جالعاسىن تاباتىن بولادى.
وڭىردەگى سۋ نىساندارىنىڭ قۇرىلىسىن «يسلام دامۋ بانكى» ارقىلى قارجىسىن تارتۋ ەسەبىنەن جۇرگىزۋ كەلىسىلدى. ءبىرىنشى كەزەڭگە قۇنى 73،6 ملرد. تەڭگەگە 14 جوبا قارجىلاندىرىلادى. قۇرىلىس جۇمىستارى 2025 جىلى باستالادى. ناتيجەسىندە، 166 شاقىرىم كانال بەتونمەن قاپتالىپ، 53،3 مىڭ گەكتار سۋارمالى جەرگە سۋ جەتكىزەتىن بولادى. ەكىنشى كەزەڭگە 2025 جىلعا 23 نىسانعا جوبالىق سمەتالىق قۇجاتتامالار ازىرلەنۋدە. جوبالاردىڭ بولجامدى قۇنى 120 ملرد. تەڭگەنى قۇرايدى. سونىمەن قاتار كوممۋنالدىق مەنشىكتەگى 11 سۋ نىسانىن «قازسۋشار» رەسپۋبليكالىق مەكەمەسى تەڭگەرىمىنە بەرۋ ارقىلى «يسلام دامۋ بانكىمەن» قارجىلاندىرىلادى. ناتيجەسىندە، 151 شاقىرىم كانال بەتونمەن قاپتالىپ، 78،7 مىڭ گەكتار اعىن سۋمەن قامتاماسىز ەتىلەدى.
