تٷركٸستان وبلىسىنىڭ ەكٸمٸ نۇرالحان كٶشەروۆ ەۋروپانىڭ 20-عا جۋىق مەملەكەتٸنٸڭ قازاقستانداعى ەلشٸلەرٸمەن كەزدەستٸ. «دوستىق ٷيٸ» عيماراتىندا ٶتكەن كەزدەسۋ بارىسىندا تٷركٸستان ٶڭٸرٸنٸڭ ينۆەستيتسييالىق, تۋريستٸك ەلەۋەتٸ تانىستىرىلىپ, بايلانىستاردى نىعايتۋ, ەرٸپتەستٸك ورناتۋ جولدارى تالقىلاندى, دەپ حابارلايدى Dalanews.kz
ٶڭٸر باسشىسى مەرتەبەلٸ مەيماندارعا تٷركٸستاننىڭ تاريحي جەنە ەكونوميكالىق رٶلٸ تۋرالى باياندادى.
– سٸزدەردٸ تٷركٸ دٷنيەسٸنٸڭ رۋحاني ورداسى, قازاق حاندىعىنىڭ استاناسى بولعان قاسيەتتٸ تٷركٸستان قالاسىندا قارسى العانىما قۋانىشتىمىن. ۇلى جٸبەك جولىنىڭ بويىندا ورنالاسقان تٷركٸستان – ەلٸمٸزدٸڭ تاريحي-مەدەني ورتالىعى. مەملەكەت باسشىسى قاسىم-جومارت كەمەلۇلىنىڭ قولداۋىمەن ايماقتى دامىتۋ جۇمىستارى قارقىندى جٷرۋدە. باتىس پەن شىعىس اراسىنداعى ساۋدا قاتىناستارى جەنە كٶپتەگەن تاريحي نىساندار تٷركٸستاننىڭ ورتالىق ازيياداعى ينۆەستيتسييالار مەن تۋريزمدٸ تارتۋدىڭ ورتالىعى بولۋ مٷمكٸندٸگٸن ۇلعايتادى. قالانىڭ جٷرەگٸ – تٷركٸ حالىقتارىنىڭ رۋحاني كٶسەمٸ قوجا احمەت ياساۋي كەسەنەسٸ. 2018 جىلى قۇرىلعان تٷركٸستان وبلىسى ساۋدا-ەكونوميكالىق بايلانىستار مەن ٶزارا تيٸمدٸ ىنتىماقتاستىقتى كەڭەيتۋدٸڭ ٷلكەن ەلەۋەتٸنە يە. حالىق تىعىز ورنالاسقاندىقتان ايماقتا جۇمىس كٷشٸ, كادرلار جەتكٸلٸكتٸ. بٸزدٸڭ وبلىس بيزنەسكە باعىتتالعان. ايماقتا 210 مىڭنان استام شاعىن جەنە ورتا بيزنەس ٶكٸلدەرٸ, ونىڭ ٸشٸندە 160 شەتەلدٸك ينۆەستور قاتىساتىن كومپانييالار جۇمىس ٸستەيدٸ. 2018 جىلدان باستاپ وبلىسقا 9 ملرد. اقش دوللارى كٶلەمٸندە ينۆەستيتسييا تارتىلدى. ونىڭ 63 پايىزى – جەكە ينۆەستيتسييالار. ينۆەستيتسييالار ٶنەركەسٸپ, جىلجىمايتىن مٷلٸك, اۋىل شارۋاشىلىعى, تۋريزم, جەنە جاڭارتىلاتىن ەنەرگييا كٶزدەرٸنە باعىتتالۋدا. قازٸرگٸ ۋاقىتتا ٶڭٸردٸڭ قورجىنىندا 110-عا جۋىق ينۆەستيتسييالىق جوبا بار. 2025-2028 جىلدارى 19 مىڭ جاڭا جۇمىس ورنىن قۇرۋ كٶزدەلگەن. وبلىستا «TURAN» ارنايى ەكونوميكالىق ايماعى جەنە يندۋستريالدى ايماقتار, ٶندٸرٸستٸك پارك جۇمىس ٸستەيدٸ. ەۋروپا كەسٸپكەرلەرٸمەن ەرٸپتەستٸك ورناتىپ, جوبالاردى جٷزەگە اسىرۋعا دايىنبىز, – دەدٸ نۇرالحان كٶشەروۆ.
كەزدەسۋدە قازاقستان رەسپۋبليكاسى سىرتقى ٸستەر مينيسترٸنٸڭ ورىنباسارى رومان ۆاسيلەنكو مەن قازاقستان رەسپۋبليكاسىنداعى ەۋروپالىق وداق ەلشٸسٸ الەشكا سيمكيچ ەلشٸلەر توبىنىڭ ٶڭٸرگە ساپارىنىڭ ماقساتىنا توقتالدى. ەۋرووداق ەلشٸسٸ ەرٸپتەستٸكتٸ نىعايتۋعا قولداۋ كٶرسەتٸلەتٸنٸن جەتكٸزدٸ. تٷركٸستان وبلىسىنىڭ ەلەۋەتٸ جوعارى ەكەنٸن اتاپ ٶتتٸ.
جٷزدەسۋ بارىسىندا ۇلىبريتانييانىڭ قازاقستانداعى ەلشٸسٸ كەتي ليچ جەنە ٶزگە دە ەلشٸلەر قوناقجاي تٷركٸستان جۇرتشىلىعىنا, ٸسكەرلٸك بايلانىس ورناتۋعا نيەت بٸلدٸرٸپ, مازمۇندى كەزدەسۋ ٶتكٸزگەن وبلىس باسشىلىعىنا ريزاشىلىقتارىن بٸلدٸردٸ. تٷركٸستان وبلىسىنىڭ بٸرنەشە تۋريستٸك نىسانىن ارالاعان ولار ايماقتىڭ تۋريستٸك ەلەۋەتٸ, باي تاريحى مەن شەجٸرەسٸنە قىزىعۋشىلىق تانىتىپ, بۇل سالانى دامىتۋ مٷمكٸندٸگٸ جوعارى ەكەنٸن اتاپ ٶتتٸ. سونىمەن بٸرگە ينۆەستيتسييالىق الاڭدار, ينۆەستورلارعا جاسالاتىن مٷمكٸندٸكتەر تۋرالى سۇراقتارىن قويىپ, تيٸستٸ ماعلۇماتتار الدى.
تٷركٸستان وبلىستىق تۋريزم باسقارماسىنىڭ باسشىسى نۇردەۋلەت مەدەۋوۆ پەن «Turkistan Invest» جشس باسقارما تٶراعاسى ٶمٸرزاق يۋسۋپوۆ ايماقتىڭ تۋريستٸك, ينۆەستيتتسييالىق مٷمكٸندٸكتەرٸ تۋرالى كەڭٸنەن بايانداپ بەردٸ.
ەۋروپانىڭ ۇلىبريتانييا, پولشا, حورۆاتييا, اۆسترييا, بولگارييا, كيپر, ەستونييا, گەرمانييا, گرەكييا, ۆەنگرييا, شۆەيتسارييا, لاتۆييا, سلوۆاكييا جەنە ٶزگە دە ەلدەرٸنەن كەلگەن ەلشٸلەر مەن ديپلوماتييا سالاسىنىڭ ٶكٸلدەرٸنە تٷركٸستان وبلىسى تۋرالى ماعلۇمات بەرٸلٸپ, ەرٸپتەستٸك ورناتۋ جولدارى پىسىقتالدى.
كەزدەسۋدەن كەيٸن ەۋروپالىق ەلشٸلەر تٷركٸستان ماڭىنداعى شاعىن ٶندٸرٸستٸك پارك پەن يندۋستريالدى الاڭداردى ارالاپ, مٷمكٸندٸكتەرٸمەن تانىستى.
ايتا كەتەيٸك, ەلشٸلەر تٷركٸستان وبلىسىنداعى تاريحي جەنە تۋريستٸك ورىنداردى ارالادى. وسى ساپار بارىسىندا مەيماندارعا قوجا احمەت ياساۋي كەسەنەسٸ مەن جاڭارعان تٷركٸستان شاھارى دا تانىستىرىلماق.
