«اقسۋكەنت-قارامۇرت» باعىتىنداعى جوندەۋ جۇمىستارى جۇرگىزىلگەن جولدىڭ جالپى ۇزىندىعى 22،5 شاقىرىم. وتكەن جىلى باستالعان جوندەۋ جۇمىستارى بارىسىندا 14،8 شاقىرىم جولدىڭ جارامسىز بولىگى بۇزىلىپ قايتا رەتتەلسە، 7،7 شاقىرىم جولعا اسفالتوبەتون جامىلعىسى توسەلگەن.
سونىمەن قاتار، جاياۋ جۇرگىنشىلەردىڭ قاۋىپسىزدىگىن قامتاماسىز ەتۋ ءۇشىن ەلدى مەكەندەردىڭ ىشىنە جالپى 10 شاقىرىم جۇرگىنشىلەر جولى سالىندى. سونداي-اق، اۆتوكولىكتەردىڭ جول جيەگىنە توقتاۋىنا ىڭعايلى جاعداي جاساۋ جانە جول جيەگىنىڭ ءبۇلىنۋىن بولدىرماۋ ماقساتىندا قۇمدى شاعال-تاس قوسپاسى توسەلگەن. ودان بولەك، اقسۋكەنت، قارامۇرت ەلدى مەكەندەرىندە كولىكتەرگە ارنالعان اۆتوتۇراق سالىنعان.
ايتا كەتەيىك، نىساننىڭ جوندەۋ جۇمىستارىنا تۇركىستان وبلىسىنىڭ جولاۋشىلار كولىگى جانە اۆتوموبيل جولدارى باسقارماسى تاپسىرىس بەرگەن، ال «كورپوراسيا «سيتي-ستروي» ءجشس-ى مەردىگەر رەتىندە قاتىسقان. جۇرگىزىلگەن جۇمىستاردىڭ ساپاسى تاپسىرىس بەرۋشى مەكەمەسى، تەحنيكالىق قاداعالاۋشى «وڭتۇستىك جولدارى» مكك جانە «ۇلتتىق جول اكتيۆتەرى ساپاسى ورتالىعىنىڭ» تۇراقتى قاداعالاۋىندا بولعان.
