Túrkistan oblysynda «Aqsýkent-Qaramurt» joly paidalanýǵa berildi
«Aqsýkent-Qaramurt» baǵytyndaǵy jóndeý jumystary júrgizilgen joldyń jalpy uzyndyǵy 22,5 shaqyrym. Ótken jyly bastalǵan jóndeý jumystary barysynda 14,8 shaqyrym joldyń jaramsyz bóligi buzylyp qaita rettelse, 7,7 shaqyrym jolǵa asfaltobeton jamylǵysy tóselgen.
Sonymen qatar, jaiaý júrginshilerdiń qaýipsizdigin qamtamasyz etý úshin eldi mekenderdiń ishine jalpy 10 shaqyrym júrginshiler joly salyndy. Sondai-aq, avtokólikterdiń jol jiegine toqtaýyna yńǵaily jaǵdai jasaý jáne jol jieginiń búlinýin boldyrmaý maqsatynda qumdy shaǵal-tas qospasy tóselgen. Odan bólek, Aqsýkent, Qaramurt eldi mekenderinde kólikterge arnalǵan avtoturaq salynǵan.
Aita keteiik, nysannyń jóndeý jumystaryna Túrkistan oblysynyń jolaýshylar kóligi jáne avtomobil joldary basqarmasy tapsyrys bergen, al «Korporatsiia «Siti-Stroi» JShS-i merdiger retinde qatysqan. Júrgizilgen jumystardyń sapasy tapsyrys berýshi mekemesi, tehnikalyq qadaǵalaýshy «Ońtústik joldary» MKK jáne «Ulttyq jol aktivteri sapasy ortalyǵynyń» turaqty qadaǵalaýynda bolǵan.
