تۇركىستان وبلىسىنىڭ دەلەگاسياسىنىڭ كورەيا رەسپۋبليكاسىنا رەسمي ساپارى اياسىندا وبلىس اكىمىنىڭ ورىنباسارى نۇرالحان كوشەروۆ كورەي تەمىرجول كورپوراسياسىنىڭ (KORAIL) ۆيسە-پرەزيدەنتىمەن كەزدەستى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
كەلىسسوزدەر بارىسىندا تاراپتار كولىك-كوممۋنيكاسيا سالاسىنداعى جوعارى بىلىكتى مامانداردى دايارلاۋ بويىنشا ىنتىماقتاستىقتىڭ كەلەشەگى مەن مۇمكىندىكتەرىن تالقىلادى. نەگىزگى ماسەلەلەردىڭ ءبىرى — تۇركىستان وبلىسىندا تەمىرجول جانە كولىك سالاسى ءۇشىن كادرلار دايارلاۋعا باعىتتالعان ارنايى وقۋ ورتالىعىن اشۋ.
نۇرالحان كوشەروۆ مۇنداي ورتالىقتى اشۋدىڭ كولىك ينفراقۇرىلىمى مەن تەحنولوگيالارى سالاسىنداعى مامانداردىڭ بىلىكتىلىگىن ارتتىرۋ ءۇشىن ستراتەگيالىق ماڭىزى زور ەكەنىن اتاپ ءوتتى. سونىمەن قاتار جوعارى بىلىكتى كادرلاردى دايارلاۋ ايماقتىڭ كولىك-لوگيستيكالىق ينفراقۇرىلىمىن ءتيىمدى دامىتۋعا، تۇركىستان وبلىسىنىڭ باسقا وڭىرلەرمەن جانە شەت ەلدەرمەن بايلانىسىنتى نىعايتۋ ءۇشىن ماڭىزدى ەكەنىنە توقتالدى.
«Korea Railroad Corporation» ۆيسە-پرەزيدەنتى ىنتىماقتاستىققا دايىن ەكەنىن ءبىلدىرىپ، تۇركىستان وبلىسىندا وقۋ جانە ءبىلىم بەرۋ باعدارلامالارىن ۇيىمداستىرۋ ءۇشىن قازاقستاننىڭ «قازاقستان تەمىر جولى» وپەراتورىمەن بىرلەسكەن جۇمىستىڭ مۇمكىندىكتەرىن ەگجەي-تەگجەيلى زەرتتەۋدى ۇسىندى. ول كورەي تەمىرجول كورپوراسياسىنىڭ تاجىريبەسىنىڭ قازاقستاننىڭ تەمىرجول جانە كولىك سالاسىن دامىتۋدا قۇندى ۇلەس قوسۋى مۇمكىن ەكەندىگىن اتاپ ءوتتى.
بۇل جوبا تۇركىستان وبلىسىندا كولىك سالاسى ءۇشىن بىلىكتى كادرلار دايارلاۋدا ماڭىزدى قادام بولماق. سونىمەن قاتار ەكى ەل اراسىنداعى جوعارى تەحنولوگيالار مەن ينفراقۇرىلىم سالاسىنداعى ىنتىماقتاستىق نىعايا تۇسپەك.
تۇركىستان وبلىس مەن كورەيا رەسپۋبليكاسىنىڭ اراسىنداعى ىسكەرلىك جانە ينۆەستيسيالىق ىنتىماقتاستىقتى كەڭەيتۋ اياسىندا بيزنەس-فورۋم ءوتتى. «Korea International Trade Association» قاۋىمداستىعىنىڭ قاتىسۋىمەن وتكەن شاراعا تۇركىستان وبلىسى اكىمىنىڭ ورىنباسارى نۇرالحان كوشەروۆ باستاعان ءوڭىر دەلەگاسياسى جانە كورەيالىق 50-دەن استام كاسىپكەر مەن ىسكەرلىك جانە ديپلوماتيالىق ورتا وكىلدەرى، ونىڭ ىشىندە KITA باسقارما ءتوراعاسى مىرزا يۋن دجين سيك، قازاقستان رەسپۋبليكاسىنىڭ كورەيا رەسپۋبليكاسىنداعى ەلشىسى نۇرعالي ارىستانوۆ جانە قازاقستان مەن كورەيانىڭ ءتۇرلى ەكونوميكا سالالارىنىڭ دەلەگاسيالارى قاتىستى.
فورۋمنىڭ ماقساتى – ەكى ەل اراسىنداعى اۋىل شارۋاشىلىعى، ەنەرگەتيكا، يننوۆاسيالار مەن تەحنولوگيالار سياقتى ەكونوميكا سالالارىنداعى ىنتىماقتاستىقتىڭ پەرسپەكتيۆالىق باعىتتارىن تالقىلاۋ جانە قازاقستاندىق جانە كورەي كومپانيالارى اراسىندا جاڭا ىسكەرلىك بايلانىستار ورناتۋ.
كەزدەسۋدە نۇرالحان كوشەروۆ ەكىجاقتى ەكونوميكالىق بايلانىستاردى نىعايتۋدىڭ ماڭىزدىلىعىنا توقتالىپ، تۇركىستان وبلىسىنىڭ ينۆەستيسيالار مەن بيزنەستىڭ نەگىزگى ايماعى رەتىندە زور الەۋەتىن يە ەكەنىن اتاپ ءوتتى. وڭىردە ينۆەستورلار مەن كاسىپكەرلەرگە ۇسىنىلاتىن قولايلى جاعدايلار تۋرالى مالىمەت بەرىپ، اۋىل شارۋاشىلىعى، تۋريزم جانە ونەركاسىپ سالالارىنداعى قولدانىستاعى جوبالار تۋرالى كەڭىنەن باياندادى.
– ءبىز اۋىل شارۋاشىلىعى، سيفرلاندىرۋ، وڭدەۋ ونەركاسىبى جانە تۋريزم سياقتى سالالاردا كورەيا ەلىمەن ىنتىماقتاستىقتى تەرەڭدەتۋگە ۇلكەن مۇمكىندىكتەر كورىپ وتىرمىز. ءبىز ينۆەستورلارعا اشىقپىز جانە ءوڭىر ەكونوميكاسىن دامىتۋعا، ەكىجاقتى بايلانىستاردى نىعايتۋعا سەپتىگىن تيگىزەتىن بىرلەسكەن جوبالاردى جۇزەگە اسىرۋعا دايىنبىز، – دەدى وبلىس اكىمىنىڭ ورىنباسارى.
فورۋم اياسىندا G2B جانە B2B كەزدەسۋلەرى دە ءوتىپ، ناقتى جوبالار مەن ىنتىماقتاستىق مۇمكىندىكتەرى تالقىلاندى.
شارا تۇركىستان وبلىسى مەن كورەيا رەسپۋبليكاسىنىڭ ەكونوميكالىق جانە ساۋدا بايلانىستارىن نىعايتۋدا ماڭىزدى قادام بولدى. ءوزارا پايدالى ىنتىماقتاستىق ءۇشىن جاڭا مۇمكىندىكتەر اشتى.
