Túrkistan oblysynyń delegatsiiasynyń Koreia Respýblikasyna resmi sapary aiasynda oblys ákiminiń orynbasary Nuralhan Kósherov Korei temirjol korporatsiiasynyń (KORAIL) vitse-prezidentimen kezdesti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Kelissózder barysynda taraptar kólik-kommýnikatsiia salasyndaǵy joǵary bilikti mamandardy daiarlaý boiynsha yntymaqtastyqtyń keleshegi men múmkindikterin talqylady. Negizgi máselelerdiń biri — Túrkistan oblysynda temirjol jáne kólik salasy úshin kadrlar daiarlaýǵa baǵyttalǵan arnaiy oqý ortalyǵyn ashý.
Nuralhan Kósherov mundai ortalyqty ashýdyń kólik infraqurylymy men tehnologiialary salasyndaǵy mamandardyń biliktiligin arttyrý úshin strategiialyq mańyzy zor ekenin atap ótti. Sonymen qatar joǵary bilikti kadrlardy daiarlaý aimaqtyń kólik-logistikalyq infraqurylymyn tiimdi damytýǵa, Túrkistan oblysynyń basqa óńirlermen jáne shet eldermen bailanysynty nyǵaitý úshin mańyzdy ekenine toqtaldy.
«Korea Railroad Corporation» vitse-prezidenti yntymaqtastyqqa daiyn ekenin bildirip, Túrkistan oblysynda oqý jáne bilim berý baǵdarlamalaryn uiymdastyrý úshin Qazaqstannyń «Qazaqstan temir joly» operatorymen birlesken jumystyń múmkindikterin egjei-tegjeili zertteýdi usyndy. Ol Korei temirjol korporatsiiasynyń tájiribesiniń Qazaqstannyń temirjol jáne kólik salasyn damytýda qundy úles qosýy múmkin ekendigin atap ótti.
Bul joba Túrkistan oblysynda kólik salasy úshin bilikti kadrlar daiarlaýda mańyzdy qadam bolmaq. Sonymen qatar eki el arasyndaǵy joǵary tehnologiialar men infraqurylym salasyndaǵy yntymaqtastyq nyǵaia túspek.
Túrkistan oblys men Koreia Respýblikasynyń arasyndaǵy iskerlik jáne investitsiialyq yntymaqtastyqty keńeitý aiasynda biznes-forým ótti. «Korea International Trade Association» qaýymdastyǵynyń qatysýymen ótken sharaǵa Túrkistan oblysy ákiminiń orynbasary Nuralhan Kósherov bastaǵan óńir delegatsiiasy jáne koreialyq 50-den astam kásipker men iskerlik jáne diplomatiialyq orta ókilderi, onyń ishinde KITA basqarma tóraǵasy myrza Iýn Djin Sik, Qazaqstan Respýblikasynyń Koreia Respýblikasyndaǵy Elshisi Nurǵali Arystanov jáne Qazaqstan men Koreianyń túrli ekonomika salalarynyń delegatsiialary qatysty.
Forýmnyń maqsaty – eki el arasyndaǵy aýyl sharýashylyǵy, energetika, innovatsiialar men tehnologiialar siiaqty ekonomika salalaryndaǵy yntymaqtastyqtyń perspektivalyq baǵyttaryn talqylaý jáne qazaqstandyq jáne korei kompaniialary arasynda jańa iskerlik bailanystar ornatý.
Kezdesýde Nuralhan Kósherov ekijaqty ekonomikalyq bailanystardy nyǵaitýdyń mańyzdylyǵyna toqtalyp, Túrkistan oblysynyń investitsiialar men biznestiń negizgi aimaǵy retinde zor áleýetin ie ekenin atap ótti. Óńirde investorlar men kásipkerlerge usynylatyn qolaily jaǵdailar týraly málimet berip, aýyl sharýashylyǵy, týrizm jáne ónerkásip salalaryndaǵy qoldanystaǵy jobalar týraly keńinen baiandady.
– Biz aýyl sharýashylyǵy, tsifrlandyrý, óńdeý ónerkásibi jáne týrizm siiaqty salalarda Koreia elimen yntymaqtastyqty tereńdetýge úlken múmkindikter kórip otyrmyz. Biz investorlarǵa ashyqpyz jáne óńir ekonomikasyn damytýǵa, ekijaqty bailanystardy nyǵaitýǵa septigin tigizetin birlesken jobalardy júzege asyrýǵa daiynbyz, – dedi oblys ákiminiń orynbasary.
Shara Túrkistan oblysy men Koreia Respýblikasynyń ekonomikalyq jáne saýda bailanystaryn nyǵaitýda mańyzdy qadam boldy. Ózara paidaly yntymaqtastyq úshin jańa múmkindikter ashty.
