وتكەن جىلى ارنايى ساراپشىلارمەن تۇركىستان وبلىسىنىڭ ەكونوميكالىق مودەلىنە تالداۋ جۇرگىزىلىپ، 2030 جىلعا دەيىن ستراتەگيالىق باستامالاردى جۇزەگە اسىرۋدىڭ جول كارتاسى ازىرلەندى. دامۋ جوسپارىندا نەگىزگى الەۋمەتتىك-ەكونوميكالىق وزەكتى ماسەلەلەر انىقتالىپ، ونى شەشۋ جولدارى جانە دامۋ باسىمدىقتارى ايقىندالدى، دەپ حابارلايدى Dalanews kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
تۇركىستان وبلىسىنىڭ اكىمى دارحان ساتىبالدىنىڭ توراعالىعىمەن وتكەن جيىندا جول كارتاسىنىڭ باسىم باعىتتارى مەن الداعى جوسپاردىڭ باستى ماقساتتارى سارالاندى.
– جوسپاردىڭ باستى ماقساتى – 2030 جىلعا دەيىن جالپى وڭىرلىك ءونىم كورسەتكىشىن 2 ەسە كوبەيتۋگە قول جەتكىزۋ. ءاربىر باسقارما، ءاربىر اۋدان، قالا اكىمدىكتەرى ستراتەگيانى ورىنداۋ جوسپارىن ازىرلەپ، ارنايى جيىندا قورعايدى. بارلىق اۋدان، قالانىڭ جوسپارىن قاراپ شىعامىز. باستى باعىت – ءوندىرىس ورىندارىن كوبەيتۋ، ءوڭىردىڭ وزىندىك كىرىستەرىن مولايتۋ. اۋىل شارۋاشىلىعى، ونەركاسىپتى دامىتۋ، ينۆەستيسيا تارتۋ سىندى باسىم باعىتتار جانە وزگە دە سالالار بويىنشا ناقتى ۇسىنىستار ەنگىزىلۋى ءتيىس، – دەدى دارحان امانگەلدى ۇلى.
جول كارتاسى 8 نەگىزگى باسىم باعىتتان تۇرادى. بۇل تۋرالى وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى قانات قايىپبەك كەڭىنەن باياندادى. ونىڭ مالىمدەۋىنشە، وسى جىلدىڭ 6 ايىندا قىسقا مەرزىمدى ەكونوميكالىق كورسەتكىش 6،5 %-عا وسكەن. ءى جارتىجىلدىق قورىتىندىسىمەن نەگىزگى الەۋمەتتىك-ەكونوميكالىق كورسەتكىشتەر تولىعىمەن ورىندالدى.اۋىل شارۋاشىلىعى سالاسىندا ءونىم كولەمى 217 ملرد تەڭگەگە جەتىپ، ءوسىم 107،1% دەڭگەيىندە قالىپتاستى. جىل قورىتىندىسىمەن بۇل كورسەتكىشتى 110%-عا جەتكىزۋ كوزدەلىپ وتىر (1،4 ترلن تەڭگە).
وبلىس اۋماعىندا ەگىستىك القاپتارعا سۋ ۇنەمدەۋ تەحنولوگيالارىن ەندىرۋ باعىتىندا اۋقىمدى جۇمىستار اتقارىلۋدا. بيىل سۋ ۇنەمدەۋ تەحنولوگيالارىن 22 مىڭ گەكتار جەرگە ەنگىزۋ كوزدەلسە، جىل باسىنان بەرى 12،9 مىڭ گەكتارعا ەنگىزىلدى. سۋ ۇنەمدەۋ تەحنولوگيالارىنىڭ قول جەتىمدىلىگىن ارتتىرۋ باعىتتىندا 2 كاسىپورىن ىسكە قوسىلدى. اتاپ ايتقاندا، جىلىنا 1000 دانا جاڭبىرلاتىپ سۋعارۋ ماشينالارىن شىعاراتىن «BNK Group LTD» زاۋىتى جانە «تۇران سۋ» مكك-نىڭ تامشىلاتىپ سۋعارۋ جۇيەسىن شىعارۋ كاسىپورنى ءوز جۇمىسىن باستادى. وسى كاسىپورىندار ەسەبىنەن ىشكى قاجەتتىلىك تولىق قامتاماسىز ەتىلمەك. نارىقتى وتاندىق ونىمدەرمەن قامتاماسىز ەتۋ ماقساتىندا 45 جوبانى ىسكە اسىرۋ جوسپارلانسا، 6 ايدا 13 جوبا ىسكە قوسىلدى.
ناتيجەسىندە، 136 جاڭا جۇمىس ورنى قۇرىلدى. جول كارتاسىندا يندۋسترياليزاسيانى دامىتۋعا ۇلكەن نازار اۋدارىلعان. ونەركاسىپ ءونىمىنىڭ كولەمى 6 ايدا 552 ملرد تەڭگەگە جەتىپ، ءوسىم 106،8%-دى قۇرادى. ونىڭ ىشىندە، وڭدەۋ ونەركاسىبىنىڭ كولەمى 253،1 ملرد تەڭگەنى قۇراپ، ءوسىم قارقىنى 111،2%-عا جەتتى. سالادا جىل باسىنان بەرى 7 جوبا ىسكە قوسىلىپ، 290 جۇمىس ورنى اشىلدى.جول كارتاسىندا شاعىن وندىرىستىك وازيستەر قۇرۋعا باسىمدىق بەرىلگەن. وبلىستا 42 وندىرىستىك عيمارات ورنالاساتىن شاعىن وندىرىستىك پارك جوباسى جۇزەگە اسىرىلۋدا. قازىرگى ۋاقىتتا جوبانىڭ ءى كەزەڭى اياقتالىپ، 14 عيمارات ىسكە قوسىلدى. جالپى 30،7 ملرد تەڭگەگە 10 جوبانى ىسكە اسىرۋ جوسپارلانعان. بۇگىندە 24،2 ملرد تەڭگەگە 7 جوبا ىسكە قوسىلدى.
وبلىستا اۋماعى «TURAN» ارنايى ەكونوميكالىق ايماعى جانە 10 يندۋستريالدى ايماق بار. وندا 93،5 ملرد تەڭگەگە 83 ونەركاسىپتىك جوبا جۇزەگە اسىرىلۋدا. ونىڭ ىشىندە، 51 جوبا تولىق ىسكە قوسىلدى. «TURAN» اەا 2 ونەركاسىپتىك الاڭىندا جانە «تۇركىستان» يندۋستريالدى ايماعىنىڭ كەڭەيتىلگەن الاڭىندا ينفراقۇرىلىم سالۋ جۇمىستارى جۇرگىزىلۋدە. بۇدان بولەك، قازىعۇرت، كەلەس جانە ساۋران اۋداندارىندا يندۋستريالدى ايماقتار قۇرىلدى. وبلىس ەكونوميكاسىنا 6 ايدا 421 ملرد تەڭگە ينۆەستيسيا تارتىلىپ، وتكەن جىلدىڭ ءتيىستى كەزەڭىمەن سالىستىرعاندا 37،8%-عا ارتتى. ونىڭ ىشىندە، 82%-ى جەكە ينۆەستيسيا قۇرايدى. ەكونوميكانىڭ وسىمىنە سەرپىن بەرەتىن 2،2 ترلن تەڭگەگە 145 ينۆەستيسيالىق جوبا پۋلى قالىپتاستى. جوبالار تولىق ىسكە قوسىلعان جاعدايدا، 17،7 مىڭ جاڭا جۇمىس ورنى اشىلماق. ال، جىل باسىنان بەرى 601 جاڭا جۇمىس ورنىمەن 15 جوبا ىسكە قوسىلدى. «ءوڭىر ەكونوميكاسىندا العا جىلجۋ بار. دەگەنمەن، ءبىرقاتار باعىتتار بويىنشا جۇمىستاردى جانداندىرۋ قاجەت» دەگەن ءوڭىر باسشىسى جاۋاپتى سالا باسشىلارىنا ءتۋريزمدى دامىتۋ جانە كرەاتيۆتى يندۋستريانى قالىپتاستىرۋ، اۋىل شارۋاشىلىعى مەن ءوندىرىس سالاسىنا جاڭا جوبالار ەنگىزۋ بويىنشا ناقتى تاپسىرمالار جۇكتەدى.
