اقش پرەزيدەنتٸ دونالد ترامپ ٶزارا باج دەپ اتالاتىن جارلىعى 7 تامىزدىڭ تٷن ورتاسىندا (مەسكەۋ ۋاقىتىمەن 07:00) ٶز كٷشٸنە ەنگەنٸن راستادى, دەپ حابارلايدى Dalanews.kz.
"ٶزارا باج تۋرالى جارلىق تٷن ورتاسىندا ٶز كٷشٸنە ەنەدٸ", دەپ جازدى ترامپ Truth Social-داعى پاراقشاسىندا.
اق ٷي باسشىسىنىڭ باعالاۋى بويىنشا, يمپورتتىق باجدار امەريكا ەكونوميكاسىنا اقش-پەن ساۋدا قاتىناستارىن "جىلدار بويى تەرٸس پايدالانىپ كەلگەن ەلدەردەن ميللياردتاعان دوللار تارتۋعا مٷمكٸندٸك بەرەدٸ".
ايتا كەتسەك, 1 تامىزدا ترامپ 60-تان استام مەملەكەت پەن ەۋروپالىق وداققا قاتىستى دا 15%-دان 41%-عا دەيٸنگٸ ارالىقتى قامتيتىن باج سالىعىن ەنگٸزۋ تۋرالى جارلىققا قول قويدى. ەڭ جوعارى تاريفتەر سيرييا (41%), لاوس (40%), ميانما (40%), شۆەيتسارييا (39%), يراك (35%) جەنە سەربييا (35%) سيياقتى مەملەكەتتەرگە باعىتتالعان. قازاقستانعا 25 پايىزدىق باج سالىعى ەنگٸزٸلەتٸنٸ دە ەسكەرتٸلگەن.
ساۋدا مينيسترلٸگٸ اقپاراتىنا سٷيەنسەك, ەنگٸزٸلگەن تاريف اقش-قا قازاقستاننان جەتكٸزٸلەتٸن جالپى ەكسپورت كٶلەمٸنٸڭ نەبەرٸ 4,8%-ىنا ەسەر ەتەدٸ, ال قالعان 95,2%-ى جاڭا كەدەندٸك باجدان تىس قالادى. قازٸر قازاقستان اقش-قا مۇناي, ۋران, كٷمٸس, فەرروقورىتپالار, تانتال, تيتان, بەريلليي جەنە ٶزگە دە ٶنٸم تٷرلەرٸن ەكسپورتتايدى. بۇل ٶنٸمدەردٸڭ باسىم بٶلٸگٸ تاريفسٸز, شەكتەۋسٸز ەكسپورتتالىپ جاتىر.
بۇل تٸزٸمدە رەسەي جوق. سەبەبٸ سانكتسييالارعا بايلانىستى ارادا الىس-بەرٸس ەلدەقاشان توقتاعان. دەگەنمەن ترامپ 8 تامىزدان كەيٸن رەسەيگە مۇناي سالاسىن قامتيتىن قاتاڭ سانكتسييا ەنگٸزەتٸنٸن جارييالاپ, ۋلتيماتۋم قويعان بولاتىن. بۇل رەتتە بەلگٸلٸسٸ, 6 تامىزدا اقش پرەزيدەنتٸنٸڭ رەسەي مۇنايىن تۇتىنىپ قانا قويماي, ونى ٶڭدەپ باتىس ەلدەرٸنە ساتۋ ارقىلى ەكونوميكاسىن كٶتەرٸپ وتىرعان ٷندٸستانعا باج سالىعىن سالاتىن جارلىققا قول قويعانى. ول تامىزدىڭ سوڭىندا كٷشٸنە ەنەدٸ دەپ كٷتٸلەدٸ. اق ٷي قىتايعا دا وسىنداي شارا قولدانىلاتىنىن جارييالاپ ٷلگەردٸ. وسى مەسەلەلەردٸ تالقىلاۋ ٷشٸن اقش پەن رف پرەزيدەنتتەرٸ كەزدەسپەك نيەتتە. بۇل تۋرالى كرەملدە ۆلاديمير پۋتين اقش پرەزيدەنتٸنٸڭ ارنايى ٶكٸلٸ ستيۆەن ۋيتكوففتى قابىلداعاننان كەيٸن ايتىلدى. بٷگٸن قوس كٶشباسشىنىڭ كەزدەسۋٸ 11 تامىزعا بەلگٸلەنگەنٸ بەلگٸلٸ بولدى.
بۇل رەتتە سايتىمىزدا "ترامپتىڭ باج سالىعى: ساۋدا مينيسترلٸگٸ مەن-جايدى تٷسٸندٸردٸ" دەگەن ماقالا جارييالانعان بولاتىن.
