جاستاردىڭ ٶمٸرلٸك ماقساتى قىمبات تەلەفون مەن سەندٸ كٶلٸك سەكٸلدٸ ماتەريالدىق قاجەتتٸلٸكتەردٸ ٶتەۋمەن عانا شەكتەلمەۋٸ كەرەك. مۇنداي پٸكٸردٸ نۇرتٶرە جٷسٸپ بٸلدٸردٸ, دەپ حابارلايدى dalanews.kz.
بەرٸمٸز ۇرپاق ٶسٸرٸپ وتىرمىز. بالالارىمىز, نەمەرەمٸز بار. قازاق جاسى, ۇرپاعىمىز قانداي بولۋى كەرەك? ەرينە, ٶز ۇرپاعىمىزدىڭ جامان بولعانىن كٶرگٸمٸز كەلمەيدٸ. ەڭ بٸرٸنشٸ مەسەلە - نادان بولعانىن كٶرگٸمٸز كەلمەيدٸ. ناداندىق پەن ادامدىقتىڭ مايدانى - مەڭگٸلٸك مايدان. ناداندىقتىڭ اۋىلىندا قالعان ادام ادامدىقتىڭ اۋىلىنا جولاي المايدى, دەيدٸ نۇرتٶرە جٷسٸپ.
ول قىلمىس تا, كٶرسەقىزارلىق تا, كٶرەالماۋ دا ناداندىقتان شىعاتىنىن ايتادى.
سٶز قۋارلىق, قولىنان ٸس كەلمەي, سىناپ, مٸنەپ وتىرۋدىڭ بەرٸ ناداندىق. وسىنىڭ بەرٸن اباي اتامىز ايتىپ كەتكەن. سوندىقتان ادامدىقتىڭ جولىن ۇستانۋ كەرەك. ادامدىق جولى - اردىڭ جولى. ار, ۇيات, نامىستى اياق-استى ەتپە. ونى ساقتا, قادٸرلە, دەيدٸ نۇرتٶرە جٷسٸپ.
ونىڭ سٶزٸنشە, ادام بالاسى ٶمٸرگە كەلگەن سوڭ ۇلتىنا پايداسى تيەتٸن ازامات بولۋى كەرەك.
وسى جاستاردىڭ قاپەرٸندە تۇرۋى كەرەك. ال تاماق ٸشٸپ, اياق بوساتىپ, كيٸم كيٸپ, قىمبات زات العاننان ادامنىڭ ماقساتى مەن مۇراتى قاجەتتٸلٸگٸن ٶتەگەندەي بولار, بٸراق رۋحاني سۇرانىس, جان ەلەمٸن بايىتاتىن دٷنيەگە جاستار مۇقييات بولسا ەكەن دەپ تٸلەيمٸن, دەيدٸ نۇرتٶرە جٷسٸپ.
