قىرعىزستاننىڭ وش وبلىسىنا قاراستى نووكات اۋدانىندا 21 جاستاعى ايجانىل اليكاراەۆانىڭ جۇمباق جاعدايدا قايتىس بولۋى قوعام نازارىن اۋداردى. مارقۇمنىڭ وتباسى ارادا تٶرت اي ٶتكەن سوڭ مەيٸتتٸ ەكسگۋماتسييالاۋعا قول جەتكٸزگەن.
قايعىلى وقيعا 19 اقپاندا بولعان. قىزدىڭ تۋىستارى العاشقى سوت-مەديتسينالىق ساراپتاما قورىتىندىسىنا كٷمەن كەلتٸرگەننەن كەيٸن مەيٸتتٸ قايتا تەكسەرۋدٸ تالاپ ەتكەن.
العاشقى ساراپتامادا مارقۇمنىڭ جٷكتٸ بولماعانى كٶرسەتٸلگەن. الايدا ەپكەسٸ ۋۋلچا ورۋنباەۆانىڭ ايتۋىنشا, ايجانىل قازا بولار الدىندا اناسىنا اياعى اۋىر ەكەنٸن دەلەلدەيتٸن فوتو جەنە بەينەجازبالار جٸبەرگەن.
تۋىستارىنىڭ مەلٸمدەۋٸنشە, ەكسگۋماتسييا كەزٸندە مارقۇمنىڭ كەيبٸر ٸشكٸ اعزالارىنىڭ جوق ەكەنٸ انىقتالعان. اناسى قىزىنىڭ جاتىرى مەن بٸر بٷيرەگٸنٸڭ ورنىندا بولماعانىن ايتىپ, ولاردىڭ قايدا كەتكەنٸن انىقتاۋدى تالاپ ەتٸپ وتىر.
كٷيەۋٸنٸڭ تۋىستارى جاس كەلٸنشەك ٶزٸنە قول جۇمساعانىن مەلٸمدەگەن. الايدا مارقۇمنىڭ جاقىندارى بۇل نۇسقاعا سەنبەيدٸ. ولار ايجانىلدىڭ ٶلٸمٸنە زورلىق-زومبىلىق سەبەپ بولۋى مٷمكٸن دەپ كٷدٸكتەنەدٸ.
وتباسى ٸستٸڭ تٶرت اي بويى سوتقا جەتپەگەنٸنە نارازىلىق بٸلدٸرٸپ, وقيعانىڭ بارلىق مەن-جايى جان-جاقتى ەرٸ ەدٸل تەرگەلۋٸن سۇرادى.
پوليتسييا ٶكٸلدەرٸ ٸس بويىنشا تٷپكٸلٸكتٸ قۇقىقتىق باعا كوميسسييالىق سوت-مەديتسينالىق ساراپتامانىڭ قورىتىندىسى دايىن بولعاننان كەيٸن بەرٸلەتٸنٸن حابارلادى.
