شىمكەنتتە قازا تاپقان نۇراي سەرٸكبايدىڭ ٶلٸمٸنە قاتىستى قىلمىستىق ٸس بويىنشا سوت پروتسەسٸنٸڭ باستالۋ كٷنٸ بەلگٸلٸ بولدى, دەپ حابارلايدى dalanews.kz.
الدىن الا سوت وتىرىسى 21 شٸلدە كٷنٸ ساعات 10:00-دە شىمكەنت قالاسىنىڭ مامانداندىرىلعان اۋدانارالىق قىلمىستىق ٸستەر جٶنٸندەگٸ سوتىندا ٶتەدٸ.
مارقۇمنىڭ وتباسىنىڭ مٷددەسٸن ادۆوكاتتار ايانحان وماروۆ پەن مۇحاممەدجان احمەتوۆ قورعايدى.
ادۆوكات ايانحان وماروۆتىڭ ايتۋىنشا, بۇل – اتالعان ٸس بويىنشا العاشقى سوت وتىرىسى.
«الدىن الا تىڭداۋدا سوت ٸستٸ مەنٸ بويىنشا قاراۋعا تاعايىنداۋ مەسەلەسٸن شەشەدٸ, دەلەلدەمەلەردٸ زەرتتەۋ تەرتٸبٸن ايقىندايدى. سونداي-اق ٸستٸڭ القابيلەردٸڭ قاتىسۋىمەن قارالاتىنى نەمەسە قارالمايتىنى تۋرالى مەسەلە دە وسى وتىرىستا قارالادى», – دەدٸ ادۆوكات.
وسىعان دەيٸن نۇراي سەرٸكبايدىڭ تۋىستارى پروكۋراتۋرادان قىلمىستىق ٸستٸ قوسىمشا تەرگەۋگە قايتارۋدى سۇراعان بولاتىن. ولاردىڭ ايتۋىنشا, ٸس ماتەريالدارىمەن تانىسۋ بارىسىندا بٸرقاتار كەمشٸلٸك انىقتالعان. سونداي-اق جاقىندارى مەن ادۆوكاتتارى سوتقا جولدانار الدىندا تاعىلعان ايىپتاردىڭ بٸر بٶلٸگٸ الىنىپ تاستالۋى مٷمكٸن دەگەن الاڭداۋشىلىق بٸلدٸرگەن.
ٸس بويىنشا كٷدٸكتٸ 28 جاستاعى ەر ادامعا اسا قاتىگەزدٸكپەن ادام ٶلتٸرۋ, ستالكينگ جەنە نەكەگە تۇرۋعا مەجبٷرلەۋ باپتارى بويىنشا ايىپ تاعىلعان.
ەسكە سالايىق, نۇراي سەرٸكباي بيىل قاڭتار ايىندا قازا تاپقان. تەرگەۋ مەلٸمەتٸنشە, كٷدٸكتٸ قىزدى دٷكەننٸڭ ماڭىندا كٷتٸپ تۇرعان, ونى كٷشپەن ۇستاپ قالىپ, كەيٸن بٸرنەشە رەت پىشاق جاراقاتىن سالعان.
