بۇگىن بارلىق قالالار مەن اۋدانداردا سانيتارلىق تازارتۋ شارالارى ءوتتى. قۇرال-جابدىقتارمەن قارۋلانعان جەرگىلىكتى بيلىك، قوعامدىق ۇيىمدار وكىلدەرى، جاستار، بەلسەندىلەر جانە بەي-جاي قارامايتىن ازاماتتار سەنبىلىككە ىقىلاسپەن شىقتى.

ولار لاستانعان كوشەلەردى، اۋلالاردى، ساياباقتار مەن الاڭداردى تازارتتى. ال ساتبايەۆ قالاسىنىڭ ەڭبەك ۇجىمدارى وندىرىستىك كاسىپورىنداردىڭ اۋماقتارىندا تازالاۋ، سىرلاۋ، اكتەۋ جۇمىستارىن جۇرگىزدى.

سونىمەن قاتار، تۇرعىن ۇيلەردىڭ اۋلالارىندا دا جۇمىس قىزۋ ءجۇرىپ جاتتى. «ۇزدىك اۋلا» اكسياسىن وبلىستىڭ بارلىق پيك-تارى قولدادى. تۇرعىندارمەن بىرگە ولار بىرگە تازالىق ورناتىپ، اعاشتاردى سۋارىپ، گۇلزارلاردى رەتكە كەلتىردى.

جاڭاارقا جانە ۇلىتاۋ اۋداندارىندا بۇلاقتاردىڭ جانىندا جانە وزەندەردىڭ جاعاسىندا ەكولوگيالىق اكسيا ءوتتى. ۇلىتاۋ اۋدانىنىڭ تۇرعىندارى كەلۋشىلەرگە قولايلى جاعداي جاساۋ ءۇشىن «كۇمىس بۇلاق»، «تاسبۇلاق» بۇلاقتارىنىڭ اينالاسىن اباتتاندىرۋ جۇمىستارىن جۇرگىزدى. جاڭاارقالىقتار سارىسۋ وزەنىنىڭ جاعاسىن قوقىستان تازارتىپ، شومىلۋ ورىندارىن رەتكە كەلتىردى

جەزقازعان جانە ساتبايەۆ قالالارىندا مەكتەپكە دەيىنگى مەكەمەلەردىڭ اۋماعىندا قۇس ۇيلەرىن ورناتۋ بويىنشا «قۇستارعا قامقورلىق» اكسياسى ۇيىمداستىرىلدى. اكسيا اياسىندا اتا-انالار بالالارىمەن بىرگە قۇس ۇيلەرىن جاساپ، ولاردى بالاباقشا اۋماعىندا وسەتىن اعاشتارعا بەكىتتى. وسىلايشا، ولار قىزىقتى ۋاقىت وتكىزىپ قانا قويماي، تابيعات پەن ەڭبەككە جاۋاپكەرشىلىكپەن قاراۋعا تاربيەلەۋگە ۇلەس قوستى.

ەكولوگيالىق اكسيانى وتكىزۋگە «جاسىل ەل» جاستار جاساقتارى ۇلكەن ۇلەس قوستى. «تازالىق تازارتىلعان جەردە ەمەس، قوقىس تاستالماعان جەردە. سوندىقتان، ءبىز جەرلەستەردى تازالىقتى ساقتاۋعا جانە بىزگە قوسىلۋعا شاقىرامىز»، - دەپ اتاپ ءوتتى قوعام بەلسەندىسى، «ساتبايەۆ قالاسى «ليۋباۆۋشكا» ورىس ەتنومادەني ورتالىعى» قب ءتوراعاسى يننا موسۋنوۆا.

بۇگىندە بارلىعى 4600-دەن استام ادام مەن 63 بىرلىك ارنايى تەحنيكا جۇمىلدىرىلىپ، 90 توننادان استام قوقىس شىعارىلدى.