بٸر جىلدان بەرٸ ەڭبەكاقىلارىن الا الماي جٷرگەن "قازاقفيلم" كينوستۋديياسىنىڭ مۋلتفيلم جاساۋشىلارى نارازىلىققا شىقتى, دەپ حابارلايدى Dalanews.kz.
ايتۋلارىنشا, بٷگٸندە باسشىلىقتىڭ 500 ملن تەڭگەگە جۋىق بەرەشەگٸ بار.
KTK تەلەارناسىنىڭ اقپاراتىنشا, بەرەشەگٸ كٶبەيگەن باسشىلىق كەيٸن كەلە انيماتسييا بٶلٸمٸن جاۋىپ تاستاعان.
"مەسەلەن "التىن ادام" جوباسىندا بىلتىر تامىز ايىنان بەرٸ بٸزدٸڭ ۇجىم — سۋرەتشٸلەر, انيماتورلار ەڭبەكاقىسىن الا الماي كەلە جاتىر. مۇندا 5 ميلليوننان باستاپ, 3 ميلليونعا دەيٸن جۇمىس ٸستەگەن ماماندار بار. الاتىن جۇمىسىمىزدىڭ اقشاسى وسى, بٸر جەردە عانا. بٸز سىرتتا جۇمىس ٸستەمەيمٸز. ەڭبەكاقىمىزدى بەرسٸن. بۇل جەردە بەرٸمٸزدە كەلٸسٸمشارت بار. زاڭدى تٷردە ٸستەگەنبٸز. قاعاز بار. بٸر تيىنىمىزدى قالدىرماي تٶلەسٸن", - دەدٸ انيماتسييا بٶلٸمٸنٸڭ قىزمەتكەرٸ جانەدٸل بايداربەكوۆ.
انيماتورلاردىڭ قارا تەرگە باتىپ بٸرنەشە جىل بويى ٸستەگەن تۋىندىلارىنىڭ بٸرٸ — "التىن ادام" اتتى تولىق مەترلٸ مۋلت جوباسى بىلتىر تولىق اياقتالىپتى. بٸراق مەملەكەتتەن بٶلٸنگەن تيٸستٸ قاراجات ەلٸ كٷنگە دەيٸن قىزمەتكەرلەرگە بەرٸلمەگەن. ەڭبەكاقىسىن كٷتە-كٷتە قارىزعا بەلشەسٸنەن باتقان ٶنەر ادامدارى بۇل بىلىقتى باسشىلىقتىڭ ۇيىمداستىرىپ وتىرعانىنا سەنٸمدٸ.
"تٷرمە سيياقتى. تەمٸر تورمەن قورشالعان بەرٸ. مۇندا تٷرمەنٸڭ ,بٷكٸل "پاحاندىق" رەجيمٸ ورنادى. كەشە ساقشىلارى كەلٸپ, مىنا جاستاردى قۋىپ شىعىپ, نەشە تٷرلٸ جالا جاۋىپ, انيماتسييانى جاۋىپ قويىپ, تٷرمەدەگٸدەي "شمون" جاساپ جاتىر. بۇل بانديتتٸك شابۋىل دەپ باعالاۋ كەرەك. ازامات ساتىبالدىنىڭ ٶزٸ رٶلدٸ ويناپ جٷر. بٸراق كٸمنٸڭ رٶلٸن ويناپ جٷرگەنٸن بٸلمەيدٸ. قازٸر ازامات ساتىبالدىنى,"قازاقفيلمنٸڭ" پرەزيدەنتٸن تۋرا وسى جەرگە شاقىرىپ, جاۋاپ بەرۋٸن تالاپ ەتەمٸز", - دەيدٸ انيماتسييا بٶلٸمٸنٸڭ رەداكتورى ەرلان تٶلەۋتاي.
قىزمەتكەرلەردٸڭ بازىنازىن تىڭداعان تٸلشٸ, باسشىلىقتىڭ دا جاۋابىن بٸلمەك بولعان.
"ازامات ساتىبالدى ازاماتتىق تانىتىپ, الدىنا شىعۋدىڭ ورنىنا, جوق بولدى. قول استىنداعى قىزمەتكەرلەرٸنٸڭ تالاپ-تٸلەگٸنە باسىن قاتىرعىسى كەلمەيتٸن سىڭايلى. ٶزٸ شىقپادى. قوڭىراۋعا دا جاۋاپ قاتپادى. ونىڭ ورنىنا ورىنباسارى كەلدٸ. "التىن ادام" جوباسى بويىنشا 88 ميلليون تەڭگە قارىزى بار ەكەنٸن راستاپ وتىر. بٸراق ونىڭ جاۋابى جۇرتتىڭ كٶڭٸلٸن كٶنشٸتپەدٸ", - دەلٸنگەن تەلەارنا حابارلاماسىندا.
ونىڭ ايتۋىنشا جوبانى, تاپسىرىس بەرۋشٸلەر قابىلداماعان.
"نەگٸزٸ "التىن ادام" جوباسى بويىنشا جاعداي بىلاي. بٸزدە ۇلتتىق كينونى قولداۋ مەملەكەتتٸك ورتالعىمەن كەلٸسٸمشارت بولدى. ولار مۋلتفيلمگە 2020 جىلى تاپسىرىس بەرگەن. بٸز تۋىندىنى 100 پايىز جاساپ جٸبەرگەنبٸز. بٸراق تاپسىرىس بەرۋشٸ قابىلدامادى. قازٸر وسىعان قاتىستى سوت ٸسٸ جٷرٸپ جاتىر", - دەدٸ "قازاقفيلم" كينوستۋديياسىنىڭ ۆيتسە-پرەزيدەنتٸ ايدار وماروۆ.
تٸلشٸ تولىقمەتراج مۋلتيپليكاتسي جوباسىنا تاپسىرىس بەرٸپ, كەيٸن قابىلداماي قويعان ۇلتتىق كينونى قولداۋ مەملەكەتتٸك ورتالىعىنا دا شىعىپ كٶرمەك بولعان, الايدا ول جاقتاعىلار دا جاۋاپ بەرۋدەن باس تارتقان.
