شاراعا 900-عا جۋىق ستۋدەنت پەن 80-نەن استام جۇمىس بەرۋشى قاتىستى.
جىل سايىن ۇيىمداستىرىلاتىن ءداستۇرلى جارمەڭكە جاستارعا بۇگىندە ءبىلىم بەرۋ وشاقتارىندا قاي سالا ماماندارىنا سۇرانىس كوپ نەمەسە تاپشى ەكەندىگىن جانە ەڭبەك ءوتىلىنسىز جۇمىسقا ورنالاسۋعا بولاتىندىعىن انىقتاۋعا سەپتەسەدى. سونىمەن قاتار، «ديپلوممەن – جۇمىسقا» جوسپارىن جۇزەگە اسىرۋعا مۇمكىندىك بەرەدى.
ءىس-شارانىڭ سالتاناتتى اشىلۋىندا ينستيتۋت رەكتورى داريا قوجامجاروۆا پەداگوگيكالىق وقۋ ورنىنىڭ ءبىتىرۋشى تۇلەكتەرىن جۇمىسپەن قامتۋ ماقساتىندا وتكىزىلىپ وتىرعان شارانىڭ ءمانى مەن ماڭىزىنا كەڭىنەن توقتالدى.
– ەلباسى نۇرسۇلتان نازاربايەۆ ەل حالقىنا ارناعان جولداۋىندا بارلىق قازاقستاندىقتاردى مەملەكەت يگىلىگى جولىنداعى ەڭبەككە شاقىردى، بۇگىندە ەڭبەك شەشۋشى ۇلتتىق فاكتور ەكەنىن ۇعىندىردى، جالپىعا ورتاق ەڭبەك قوعامى يدەياسىن ۇسىندى. البەتتە، مەملەكەت باسشىسىنىڭ بۇل ستراتەگيالىق تاپسىرماسىن ورىنداۋدا ەل جاستارىنىڭ ءرولى زور. جولداۋدا جۇكتەلگەن الەۋمەتتىك جاڭعىرۋ جولىنداعى ناقتى مىندەتتەردى جۇزەگە اسىرۋدا بۇل جارمەڭكەنىڭ وزىندىك ماڭىزى بار ەكەندىگىن ەرەكشە اتاپ وتكىم كەلەدى. ءىس-شارا جاستار اراسىنداعى جۇمىسسىزدىق ماسەلەسىن شەشەتىن ماڭىزدى مەحانيزم بولىپ تابىلادى، – دەدى د. قوجامجاروۆا.
جارمەڭكەگە جامبىل وبلىسى مەن تاراز قالاسىنداعى مەكتەپكە دەيىنگى جانە ورتا ءبىلىم بەرۋ ۇيىمدارى قاتىسىپ، ءوز مەكەمەلەرىندەگى بوس جۇمىس ورىندارىن ۇسىندى. ستۋدەنتتەر بۇل مۇمكىندىكتى پايدالانىپ تۇيىندەمەلەرىن جولدادى. سونداي-اق، ولار ءوز جەتىستىكتەرى تىركەلگەن پورتفوليولارىنىڭ كورمەسىن وتكىزىپ، پرەزەنتاسيا جاسادى.
– شارا بيىل پەداگوگيكالىق، گۋمانيتارلىق، جاراتىلىستانۋ عىلىمدارى جانە ونەر سالاسىندا ماماندار دايارلاۋدىڭ جەكەلەگەن باعىتتارى بويىنشا ۇيىمداستىرىلدى. سوڭعى اقپاراتقا سۇيەنەر بولساق، ازىرگە 200-گە جۋىق تۇلەككە مەكەمەلەر تاراپىنان سۇرانىس ءتۇستى. بۇل كورسەتكىش الداعى ۋاقىتتا وسەتىنە سەنىمدىمىز، – دەپ اتاپ ءوتتى تارمپي-دىڭ اقپاراتتىق-يميدجدىك قىزمەتىنىڭ جەتەكشىسى جاندار اسان.
جامبىل وبلىس اكىمنىڭ باسپا ءسوز قىزمەتى
