وزبەكستان پرەزيدەنتى شاۆكات ميرزيايەۆ 4-5 ساۋىردە رەسەيدە بولادى. رەسمي ساپار اياسىندا ول رەسەي پرەزيدەنتى ۆلاديمير پۋتينمەن كەزدەسەدى، دەپ حابارلادى كرەملدىڭ باسپا ءسوز قىزمەتى.
بۇل - ميرزيايەۆتىڭ پرەزيدەنت قىزمەتىنە كىرىسكەلى رەسەيگە العاشقى رەسمي ساپارى. ميرزيايەۆ پرەزيدەنت مىندەتىنە وتكەن جىلى قىركۇيەك ايىندا وزبەكستان پرەزيدەنتى يسلام كارىموۆ قايتىس بولعان سوڭ كىرىستى. بىلتىر جەلتوقساندا ميرزيايەۆ كەزەكتەن تىس پرەزيدەنتتىك سايلاۋدا جەڭىسكە جەتتى.
پۋتين ميرزيايەۆپەن بىلتىر قىركۇيەكتە كارىموۆتىڭ قازاسىنا بايلانىستى وزبەكستانعا بارعاندا كەزدەستى. پۋتين سول كەزدە سامارقانداعى كارىموۆتىڭ زيراتىندا بولعان ەدى.
رەسەيلىك اقپارات اگەنتتىكتەرىنىڭ 3 ساۋىردە حابارلاۋىنشا، شاۆكات ميرزيايەۆ رەسەيمەن اسكەري-تەحنيكالىق ارىپتەستىك تۋرالى كەلىسىمدى ماقۇلدايتىن زاڭعا قول قويدى.
ميرزيايەۆ پرەزيدەنت رەتىندەگى العاشقى ساپارىن ناۋرىز ايىنىڭ باسىندا تۇركىمەنستانعا جاسادى. 22-23 ناۋرىزدا ميرزيايەۆ قازاقستاندا بولدى.
