Ózbekstan prezidenti Shavkat Mirziiaev 4-5 sáýirde Reseide bolady. Resmi sapar aiasynda ol Resei prezidenti Vladimir Pýtinmen kezdesedi, dep habarlady Kremldiń baspasóz qyzmeti.
Bul - Mirziiaevtiń prezident qyzmetine kiriskeli Reseige alǵashqy resmi sapary. Mirziiaev prezident mindetine ótken jyly qyrkúiek aiynda Ózbekstan prezidenti Islam Kárimov qaitys bolǵan soń kiristi. Byltyr jeltoqsanda Mirziiaev kezekten tys prezidenttik sailaýda jeńiske jetti.
Pýtin Mirziiaevpen byltyr qyrkúiekte Kárimovtiń qazasyna bailanysty Ózbekstanǵa barǵanda kezdesti. Pýtin sol kezde Samarqandaǵy Kárimovtiń ziratynda bolǵan edi.
Reseilik aqparat agenttikteriniń 3 sáýirde habarlaýynsha, Shavkat Mirziiaev Reseimen áskeri-tehnikalyq áriptestik týraly kelisimdi maquldaityn zańǵa qol qoidy.
Mirziiaev prezident retindegi alǵashqy saparyn naýryz aiynyń basynda Túrkimenstanǵa jasady. 22-23 naýryzda Mirziiaev Qazaqstanda boldy.
