شۋدا ەلەۋمەتتٸك دٷكەن اشىلدى
بۇل اۋداندا بٷگٸنگٸ كٷنگە دەيٸن اشىلىپ وتىرعان ەكٸنشٸ دٷكەن ەكەنٸن دە ايتا كەتۋٸمٸز كەرەك. بۇرناعى جىلدارى اۋدانداعى «ٷمٸت ٷيٸ» قوعامدىق بٸرلەستٸگٸ تٶلە بي اۋىلىنان دەل وسىنداي ەلەۋمەتتٸك دٷكەن اشقان بولاتىن. قازٸرگٸ كەزدە جۇمىسىن بٸر جٷيەگە كەلتٸرٸپ العان اتالمىش دٷكەندٸ اۋدان تۇرعىندارى جاقسى بٸلەدٸ. قايىرىمدىلىق جاساۋعا نيەتتەنگەن تۇرعىندار دا وسى دٷكەنگە قايىرىلىپ, حەل-قادٸرٸنشە كٶمەك قولىن سوزىپ كەلگەن. ەندٸ مٸنە, 40 مىڭعا جۋىق تۇرعىنى بار شۋ قالاسىنان «ايالى الاقان» اتتى ەلەۋمەتتٸك دٷكەن اشىلىپ وتىر. ورتالىق بازارداعى «دوستىق» ٷيٸنٸڭ ٸشٸنەن اشىلعان دٷكەنگە «ساۋدا-سەرۆيس» جاۋاپكەرشٸلٸگٸ شەكتەۋلٸ سەرٸكتەستٸگٸنٸڭ ديرەكتورى ۆ.لىتكين قولداۋ بٸلدٸرٸپ, دٷكەننٸڭ تۇراتىن ورنىن تەگٸن بەرٸپتٸ. سونىمەن بٸرگە, ەلەۋمەتتٸك دٷكەننٸڭ اشىلۋىنا سەبەپشٸ بولعان ازاماتتارعا اۋدان ەكٸمدٸگٸ مەن «جاستار رەسۋرستىق ورتالىعى» قولداۋ بٸلدٸرگەنٸن ايتۋ كەرەك.
«قايىرىمدىلىق جاساساڭ, قايىرىن كٶرەسٸڭ» دەيدٸ قازاق دانالىعى. بۇل دٷكەندٸ اشقان ازامات تا بٸرنەشە جىلدان بەرٸ مۇقتاج جاندارعا قايىرىمدىلىق جاساپ, ەلەۋمەتتٸك ورتادا ەر تٷرلٸ دەڭگەيدەگٸ وتباسىلاردىڭ كەم-كەتٸگٸن جاماپ جٷرگەن ەركٸن تٷلەباەۆ ەسٸمدٸ ازامات. مۇقتاج جاندارعا ەردايىم كٶمەك قولىن سوزۋدان شەت قالمايتىن ول بٸرنەشە جىلدان بەرٸ اۋدانداعى «ەرٸكتٸلەر قوزعالىسىنا» جەتەكشٸلٸك ەتٸپ كەلەدٸ. «قاشاندا كٶرشٸسٸن اش قالدىرماعان قازاق حالقىمىز «ەلدە بولسا, ەرٸنگە تيەدٸ» دەپ, جارتى نان بولسا دا بٶلٸپ جەۋگە دايىن تۇرعان عوي. بەلكٸم, بۇل دا بٸزدٸڭ بويىمىزداعى وسىنداي ٸزگٸلٸكتٸڭ ۇشقىنى بولار. الايدا, بٸز اشىپ وتىرعان ەلەۋمەتتٸك دٷكەننٸڭ ارتىندا اتى-جٶنٸن اتاماۋدى ٶتٸنگەن بٸرقاتار كەسٸپكەر ازاماتتار دا بار. كٶزگە كٶرٸنبەگەنٸمەن, كٶپ ەڭبەك سول كٸسٸلەردٸكٸ», - دەيدٸ ول ٶز سٶزٸندە.
بايقاعانىمىزداي, دٷكەن ٸشٸندەگٸ سٶرەلەرگە سۋ جاڭا, ەرٸ ساپاسى جوعارى اياق-كيٸمدەر مەن تٷرلٸ ٶلشەمدەگٸ كيٸم-كەشەكتەر قويىلىپتى. بۇلاردىڭ بارلىعىن اۋدان كەسٸپكەرلەرٸ ەكەلٸپ ٶتكٸزگەن. بەيسەنبٸ مەن جەكسەنبٸ كٷندەرٸنٸڭ ارالىعىندا جۇمىس ٸستەيتٸن دٷكەننەن كٶمەككە زەرۋ جاندار ٶز كەرەگٸن تەگٸن الا الادى. بۇدان بٶلەك, اتالعان دٷكەندە ەلەۋمەتتٸك جاعىنان از قامتىلعان وتباسىلارعا ەت, ۇن, ماي جەنە قانت سىندى ازىق-تٷلٸك تٷرلەرٸ دە بەرٸلەدٸ ەكەن. تٸپتٸ, مۇندا بالالارعا ارنالعان ويىنشىقتار دا بار. تاڭداۋ – ەر ادامنىڭ ٶز ەركٸندە.
ايتا كەتۋٸمٸز كەرەك, اتالمىش دٷكەنگە كەز كەلگەن تۇرعىن ٶزٸ پايدالانبايتىن, الايدا كييۋگە جارامدى كيٸم-كەشەكتەرٸ مەن بالالار ويىنشىعىن جەنە ازىق-تٷلٸك پەن تۇرمىستىق قاجەتتٸلٸككە كەرەكتٸ بارلىق زاتتاردى ٶتكٸزۋٸنە بولادى.
جامبىل وبلىسى
شۋ اۋدانى
