بالنۇر جاڭقاباي كورەيادان جٷلدەمەن ورالدى
ول بۇعان دەيٸن «جاساندى ينتەللەكتٸڭ ماسس-مەدياعا ىقپالى» اتتى عىلىمي جوباسىمەن اۋداندىق, وبلىستىق جەنە رەسپۋبليكالىق ٸرٸكتەۋدەن ٸركٸلمەي ٶتٸپ, حالىقارالىق بايقاۋدىڭ جولداماسىن قانجىعاسىنا بايلاعان. الايدا, بۇل بالنۇردىڭ العاشقى جەڭٸسٸ ەمەس. دەلٸرەك ايتساق, ٶتكەن جىلى تاراز قالاسىندا ٶتكەن وقۋشىلار اراسىنداعى پرەزيدەنتتٸك وليمپياداعا قاتىسىپ, جٷلدەلٸ ورالسا, اۋداندىق پەن وليمپيادالارىندا ەردايىم العاشقى ورىننان كٶرٸنٸپ كەلگەن. بۇدان بٶلەك, رەسپۋبليكالىق «اقبوتا», حالىقارالىق «زولوتوە رۋنو» مەن «رۋسسكيي مەدۆەجونوك» سىندى بايقاۋلاردان دا جٷلدەلٸ ورالىپ جٷر. ال, «ۇلى دالا دارىنى» اتتى رەسپۋبليكالىق عىلىمي جوبا بايقاۋىندا «ٷزدٸك عىلىمي جوبا» نوميناتسيياسىن يەلەنۋٸ بالنۇردىڭ ەڭ ٷلكەن جەتٸستٸكتەرٸنٸڭ بٸرٸ ەكەن. ەندٸ مٸنە, ەلەمنٸڭ تٷكپٸر-تٷكپٸرٸنەن جينالعان 35 مەملەكەتتٸڭ اراسىنداعى بەسٸ جوعارى بٸلٸم بەسەكەسٸندە بيٸكتەن كٶرٸنٸپ, ٶزٸنٸڭ مىقتىلىعىن دەلەلدەي بٸلدٸ. سونىڭ ارقاسىندا شۋلىق وقۋشىعا وڭتٷستٸك كورەياداعى كەز كەلگەن مەديتسينالىق اكادەمييالارعا 50 پايىزدىق جەڭٸلدٸكپەن گرانت يەسٸ اتانۋعا مٷمكٸندٸك تۋىپ وتىر. سونداي-اق, ٶز ەلٸمٸزدەگٸ مەديتسينالىق اكادەمييالاردىڭ گرانت يەگەرٸ اتاندى. بۇنىڭ بەرٸ بالنۇردىڭ تالماي ەڭبەكتەنگەن ٸزدەنٸمپازدىعىنىڭ جەمٸسٸ بولسا كەرەك-تٸ. ال, بالنۇر جاڭقابايدىڭ ايتۋىنشا, ول اتالعان جوبانى تٷگەلدەي اعىلشىن تٸلٸندە جازىپ شىققان كٶرٸنەدٸ.
كەلەشەكتە جۋرناليست بولۋدى قالايتىن وقۋشى ٶزٸنٸڭ عىلىمي جوباسىنىڭ تاقىرىبىن دا سول سالاعا قاتىستى ەتٸپ العان. ول بۇل جوبانى ٶزٸنٸڭ عىلىمي جەتەكشٸسٸ نينا كوبەتسپەن بٸرٸگٸپ, ٶتكەن جىلدىڭ شٸلدە ايىندا باستاعان ەكەن. سونىمەن قاتار, عىلىمي جوباسىن تٷگەلدەي اعىلشىن تٸلٸندە جازىپ, سول تٸلدە قورعاپ شىققان. ايتۋىنشا, كورەياداعى بايقاۋعا سول ەلدٸڭ بەلدٸ عالىمدارى مەن گارۆورد ۋنيۆەرسيتەتٸنٸڭ ماماندارى قازىلىق ەتٸپتٸ.
ايتا كەتۋٸمٸز كەرەك, بىلتىر شۋ اۋدانىنداعى دەل وسى جٸبەك جولى مەكتەپ-ليتسەيٸنٸڭ 3 سىنىپ وقۋشىسى نۇرمۇحامماد اتىمتاي مالايزييا مەملەكەتٸندە ٶتكەن مەنتالدى اريفمەتيكا باعدارلاماسى بويىنشا حالىقارالىق جارىستان ەكٸنشٸ ورىنمەن ورالعان بولاتىن. وسى ورايدا, دارىندى وقۋشىلاردى تەربيەلەپ وتىرعان اتالمىش مەكتەپكە العىس ايتا وتىرىپ, وقۋشىلاردىڭ تالابى ۇشتالا بەرسٸن دەمەكپٸز.
جامبىل وبلىسى
شۋ اۋدانى
