مەملەكەتتىك ءتىلدى ۇيرەنگىسى كەلەتىندەر ءۇشىن بۇل كۇندەلىكتى ومىردە قازاق تىلىندە ەركىن سويلەۋدىڭ پراكتيكالىق داعدىلارىن قالىپتاستىراتىن تاماشا ءارى ءتيىمدى مۇمكىندىك.
ۇيىرمەنىڭ ماقساتى – كۇندەلىكتى تۇرمىستا ادامداردىڭ قازاق تىلىندە ەمىن-ەركىن سويلەسۋگە ۇيرەتۋ. ءقازىر وندا وزگە ۇلت وكىلدەرىنە قازاق ءتىلىن جەتىك مەڭگەرگەن، ءتىل ۇيرەتۋدە تاجىريبەسى مول نادەجدا الەكساندروۆنا شۋشانيكوۆا ساباق بەرەدى.
- قالا اكىمى قازاق ءتىلىن ۇيرەتەتىن تەگىن كلۋب اشىلعاندا قۋانا-قۋانا قاتىسقانداردىڭ ءبىرى مەن بولدىم. سەبەبى، مەملەكەتتىك ءتىلدى ءاربىر قازاقستاندىق تۇرعىن ەركىن مەڭگەرۋى كەرەك دەپ ويلايمىن. بۇل – ءبىزدىڭ وتانىمىز، سوندىقتاندا وسى كۋرسقا قاتىسىپ جاتىرمىن، - دەيدى فرىشكو ۆالەنتينا پولياك جانە نەمىس ەتنومادەني بىرلەستىگىنىڭ وكىلى.
كۋرس اپتاسىنا ەكى رەت، دۇيسەنبى جانە سارسەنبى كۇندەرى ساعات 17.30-دان 18.00-گە دەيىن وتكىزىلەدى. ال، قاتىسۋ ءۇشىن جاس مولشەرى ماڭىزدى ەمەس.
الداعى ۋاقىتتا «كەل، سويلەيىك!» سىندى قازاق ءتىلى ۇيىرمەلەرىن ورالحان بوكەي اتىنداعى ورتالىقتاندىرىلعان كىتاپحانا جۇيەسىنىڭ بارلىق فيليالدارىندا اشۋ جوسپارلانىپ وتىر.
