Memlekettik tildi úirengisi keletinder úshin bul kúndelikti ómirde qazaq tilinde erkin sóileýdiń praktikalyq daǵdylaryn qalyptastyratyn tamasha ári tiimdi múmkindik.
Úiirmeniń maqsaty – kúndelikti turmysta adamdardyń qazaq tilinde emin-erkin sóilesýge úiretý. Qazir onda ózge ult ókilderine qazaq tilin jetik meńgergen, til úiretýde tájiribesi mol Nadejda Aleksandrovna Shýshanikova sabaq beredi.
- Qala ákimi qazaq tilin úiretetin tegin klýb ashylǵanda qýana-qýana qatysqandardyń biri men boldym. Sebebi, memlekettik tildi árbir qazaqstandyq turǵyn erkin meńgerýi kerek dep oilaimyn. Bul – bizdiń otanymyz, sondyqtanda osy kýrsqa qatysyp jatyrmyn, - deidi Fryshko Valentina Poliak jáne nemis etnomádeni birlestiginiń ókili.
Kýrs aptasyna eki ret, dúisenbi jáne sársenbi kúnderi saǵat 17.30-dan 18.00-ge deiin ótkiziledi. Al, qatysý úshin jas mólsheri mańyzdy emes.
Aldaǵy ýaqytta «Kel, sóileiik!» syndy qazaq tili úiirmelerin Oralhan Bókei atyndaǵy ortalyqtandyrylǵan kitaphana júiesiniń barlyq filialdarynda ashý josparlanyp otyr.
