كليماتتىڭ ٶزگەرۋٸن تەجەۋدٸ كٶزدەيتٸن پاريج كەلٸسٸمٸنە قوسىلعان بٸزدٸڭ ەل وسى قۇجات اياسىندا موينىنا العان مٸندەتتەردٸ كەشٸكتٸرمەي ورىنداۋعا مٸندەتتٸ.
ەكونوميكاداعى «جاسىل جوبالاردىڭ» ٷلەسٸن ارتتىرۋعا نيەتتٸ ەل بيلٸگٸ ەكولوگييالىق زاڭنامالاردى قاتاڭداتىپ, وسى سالاعا بٶلٸنەتٸن قارجى كٶلەمٸن ۇلعايتۋدا.
مەسەلەن, بىلتىرعى جىلى قورشاعان ورتانى قورعاۋعا بٶلٸنگەن قاراجات مٶلشەرٸ 850 ملن دوللاردى قۇراعان.
دەي تۇرعانمەن, قازاقستان قورشاعان ورتانىڭ لاستاۋ دەڭگەيٸ بويىنشا الدىڭعى قاتاردا تۇرعان ەلدەردٸڭ بٸرٸ (14-شٸ ورىندامىز). شيكٸزاتقا تەۋەلدٸلٸكتٸڭ وسال تۇسى وسىندا.
ساراپشىلاردىڭ پٸكٸرٸنشە, پايدالى قازبالاردى كٶپتەپ ٶندٸرۋدٸڭ نەتيجەسٸندە ەكونوميكالىق ٶسٸمگە قول جەتكٸزگەن قازاقستان قازٸرگٸ بەتالىسىن ٶزگەرتپەسە كەلەشەكتە ەكولوگييالىق پروبلەمالارمەن بەتپە-بەت كەلەدٸ.
بىلتىرعى جىلى اۋاعا تاستالاتىن زيياندى قالدىقتاردىڭ مٶلشەرٸ 2 ملن 440 توننادان اسىپ جىعىلعان.
«بۇعان ورتا ازييادا ەلدەرٸ, سونىڭ ٸشٸندە قازاقستان ايتارلىقتاي «ٷلەس» قوسىپ وتىر. سٸز بەن بٸز تىنىستايتىن اۋادا اممياك پەن كٶمٸرسۋتەگٸنٸڭ مٶلشەرٸ تىم كٶپ. ۋلى گازداردى كٶپتەپ بٶلەتٸن ەنەرگەتيكالىق سەكتوردى ەرتاراپتاندىرۋدى ۋاقىت وزدىرماي قولعا الۋ قاجەت.
ۋلى گازداردى بٶلۋ جاعىنان ەلٸمٸزدەگٸ ەنەرگەتيكالىق سەكتوردىڭ ٷلەسٸ 40 پايىزدى قۇرايدى. كٶلٸكتەردەن بٶلٸنەتٸن زيياندى گازدىڭ ٷلەسٸ 9 پايىزدىڭ تٶڭٸرەگٸندە», – دەيدٸ سايتىمىزعا پٸكٸر بٸلدٸرگەن ەكولوگ ازاماتحان ەمٸرتاي.
قازاقستاندىق ەكولوگتاردى «پاريج كەلٸسٸمٸندە كٶرسەتٸلگەن مٸندەتتەردٸ 2060 جىلعا دەيٸن تولىقتاي ورىنداي الامىز با?» دەگەن مەسەلە تولعاندىرادى.
بۇل بويىنشا بٸراز باستامالار قولعا الىنىپ, «جاسىل ەكونوميكاعا» كٶشۋگە العىشارت بولاتىن تۇجىرىمدامالار ەزٸرلەنگەن. بىلتىرعى جىلى پرەزيدەنت توقاەۆتىڭ تاپسىرماسى نەگٸزٸندە جاڭا ەكولوگييالىق كودەكس ەزٸرلەنٸپ, بەلگٸلەنگەن مەرزٸمدە كٷشٸنە ەنگەن بولاتىن.
قازاقستان بۇدان بٶلەك بۇۇ ماقۇلداعان «جاسىل كٶپٸر» اتتى ەكولوگييالىق جوبانىڭ نەگٸزٸن قالاعان ەل.
اتالعان باعدارلاما اياسىندا كليماتتى قورعاۋ باعىتىندا جەتٸستٸككە جەتكەن ەلدەر ٶزگە مەملەكەتتەرمەن كٶرگەن-تٷيگەنٸمەن بٶلٸسٸپ, «جاسىل جوبالارعا» قاجەتتٸ ينۆەستورلار ٸزدەيدٸ. بۇل باستاما دا نەتيجەلٸ بولۋدا.
شەتەلدٸك ينۆەستورلار قازاقستانعا ەكولوگييالىق تەحنولوگييالاردى ەكەلۋدە.
Dalanews.kz قازاقستاننىڭ اۋا ساپاسىن جاقسارتۋعا باعىتتالعان شەتەلدٸك ەرٸپتەستەردٸڭ تەحنولوگييالارىن وقىرمانعا تانىستىرا كەتكەندٸ جٶن كٶردٸ.
- بىلتىرعى جىلدان باستاپ شەۆرو كومپانيياسى قازمۇنايگاز-بەن بٸرلەسٸپ اۋاداعى زيياندى قالدىقتاردىڭ مٶلشەرٸن انىقتايتىن زەرتتەۋلەر جٷرگٸزۋدە.
- عارىش قۇرىلعىلارىن جاساۋمەن اينالىساتىن ەيگٸلٸ Honeywell كومپانيياسى اۋاداعى كٶمٸرتەگٸ توتىعىنىڭ مٶلشەرٸن انىقتايتىن اۋقىمدى جوبا ەزٸرلەۋدە.
- ەۋروپا دامۋ بانكٸ ٶز تاراپىنان قازاقستانداعى ٶندٸرٸستٸك كەسٸپورىنداردا زيياندى قالدىقتار مٶلشەرٸن باقىلاپ وتىراتىن جوبانى قارجىلاندىراتىن بولادى. جوبا قۇنى 200 ملن دوللاردى قۇرايدى.
- بۇدان بٶلەك باتىس بانكٸ الماتىداعى ەلەكترستانتسييالاردى جاڭالاۋعا (جەتس-2) 250 ملن ەۋرونىڭ كٶلەمٸندە كرەديت بەرۋگە ەزٸر. وسىنىڭ نەتيجەسٸندە ستانتسييا كٶمٸردەن بٸرجولاتا باس تارتىپ, تابيعي گازعا كٶشەدٸ. بۇل ٶز كەزەگٸندە الماتىنىڭ اۋاسىن جاقسارتىپ, زيياندى قالدىقتاردى مٶلشەرٸن ازايتارى انىق.
- ال ACWA Power دەپ اتالاتىن اراب كومپانيياسى قازاقستاندا «جاسىل سۋتەگٸ» ٶندٸرٸسٸن جولعا قويۋعا قىزىعۋشىلىق تانىتۋدا.
«ەلٸمٸزدٸڭ تاۋ-كەن ٶندٸرٸسٸ دە قورشاعان ورتاعا كٶڭٸل بٶلۋٸ كەرەك. مۇنداي ٶندٸرٸس ورىندارى نەگٸزٸنەن ەلٸمٸزدٸڭ شىعىس ٶڭٸرٸندە شوعىرلانعان. دامىعان ەلدەردە تاۋ-كەن كومپانييالارىنىڭ قورشاعان ورتانى قانشالىقتى لاستايتىنىن انىقتايتىن مونيتورينگ جٷيەسٸ بار. بۇل تەحنولوگييانى بٸزگە دە كٸرٸكتٸرۋ كەرەك», – دەيدٸ ەكولوگتار.
