اتىراۋدا پارا العانى ءۇشىن سوتتالعان بۇرىنعى وبلىس اكىمىنىڭ ورىنباسارى جانە ەكس-دەپۋتات باقىتگۇل حامەنوۆا تويدا ءجۇر، دەپ حابارلايدى Dalanews.kz.

الەۋمەتتىك جەلىدە تاراعان ۆيدەودا ول شەنەۋنىكتەر مەن پوليسەيلەردىڭ اراسىندا، قۇرمەتتى قوناق رەتىندە الدىڭعى قاتاردا تۇرعانى بايقالادى.

باقىتگۇل حامەنوۆا 4،5 ميلليون تەڭگە كولەمىندە پارا العانى ءۇشىن 7 جىلعا باس بوستاندىعىنان ايىرىلعان بولاتىن. پارا اباي ەسكەرتكىشىن ورناتۋ كەزىندە الىنعان. سوت شەشىمىمەن ول مەملەكەتتىك قىزمەتتە جۇمىس ىستەۋ قۇقىعىنان ايىرىلىپ، مۇلكى تاركىلەنۋگە ءتيىس ەدى.

2022 جىلى 15 قاراشادا اتىراۋ قالاسىنىڭ №2 سوتى اتىراۋ وبلىسى اكىمىنىڭ بۇرىنعى ورىنباسارى باقىتگۇل حامەنوۆانى 7 جىلعا بوستاندىعىنان ايىرۋ، الايدا كامەلەتكە تولماعان بالالارى بارىن ەسكەرە وتىرىپ، جازانى ءۇش جىلدان كەيىن وتەۋ جونىندە ۇكىم شىعاردى.

سوت ۇكىمىندە باقىتگۇل حامەنوۆانىڭ مۇلكى تاركىلەنەتىنى، "قۇرمەت" وردەنى مەن مەملەكەتتىك لاۋازىمدى اتقارۋ قۇقىعىنان ءومىر بويىنا ايىرىلعانى كورسەتىلگەن.

سوت زالىنان ۋاقىتشا بوستاندىققا شىققان سوڭ باقىتگۇل حامەنوۆا "سوت ۇكىمىمەن كەلىسپەيتىنىن، اپەللياسيالىق شاعىم تۇسىرەتىنىن" مالىمدەدى.

باقىتگۇل حامەنوۆا ىسىمەن بىرگە قارالىپ جاتقان اتىراۋ وبلىستىق مادەنيەت باسقارماسىنىڭ بۇرىنعى جەتەكشىسى اقىلبەك رىسقالييەۆتى سۋديا جۇماعالي ءتاشىموۆ 7 جىلعا، "بالقىتۋ" ج ش س ديرەكتورى ءومىرتاي اداموۆتى 4 جىلعا بوستاندىعىنان ايىردى.