ۇقك شىعىس قازاقستان وبلىسىندا پوليسيا ءبولىمىنىڭ باسشىسى ۇستالعانىن راستادى، دەپ حابارلايدى Dalanews.kz hronika.kz-كە سىلتەپ.
الەۋمەتتىك جەلىلەردە ۇقك قىزمەتكەرلەرى مارقاكول اۋداندىق پوليسيا ءبولىمىنىڭ باستىعى، مايور رۋسلان سەيىتقانوۆتى ۇستاعانى تۋرالى اقپارات تارادى.
جازبالاردا ونىڭ پارا مەن Starlink سپۋتنيك ينتەرنەت جابدىعىن الۋ كەزىندە ۇستالعانى ايتىلعان. بۇل سىيلىقتار "زاڭسىز التىن وندىرۋگە قامقورلىق جاساعانى ءۇشىن" بەرىلدى دەگەن مالىمەت تاراعان.
شىعىس قازاقستان وبلىسىنىڭ پوليسيا دەپارتامەنتى تۇسىنىكتەمە بەرۋدەن باس تارتقان. ال ۇقك رەسمي جاۋاپتا تەك "بۇل دەرەك بويىنشا سوتالدى تەرگەۋ جۇرگىزىلىپ جاتىر" دەپ حابارلاعان.
