جاپونيا پرەمەر-مينيسترى ترامپتى نوبەل بەيبىتشىلىك سىيلىعىنا ۇسىندى

ساعىنىش سارداروۆا 28 قاز. 2025 10:59

جاپونيانىڭ پرەمەر-مينيسترى ساناە تاكايتي اقش پرەزيدەنتى دونالد ترامپتى نوبەل بەيبىتشىلىك سىيلىعىنا ۇسىندى. بۇل تۋرالى اق ءۇيدىڭ باسپا ءسوز حاتشىسى كەرولاين ليەۆيتت مالىمدەدى، دەپ حابارلايدى Dalanews.kz.

ساناە تاكايتي توكيو قالاسىندا وتكەن كەزدەسۋدە ترامپقا نوميناسياعا قاتىستى قۇجاتتاردى تاپسىرعانىن ايتقان. بۇعان دەيىن 2019 جىلى ەكس-پرەمەر سيندزو ابە دە ترامپتى سولتۇستىك كورەيامەن جۇرگىزگەن كەلىسسوزدەرى ءۇشىن وسىنداي ماراپاتقا ۇسىنعان بولاتىن.

سونىمەن قاتار، كامبودجا، پاكىستان جانە يزرايل باسشىلارى دا ترامپتى ءارتۇرلى بەيبىت كەلىسىمدەرگە قوسقان ۇلەسى ءۇشىن نوبەل سىيلىعىنا ۇسىنعان.

اقش پرەزيدەنتى بۇل جىلى ماراپات المادى، ءبىراق ونىڭ جاقتاستارى گازا بويىنشا بەيبىت كەلىسىم ونى 2026 جىلعى ەڭ لايىقتى ۇمىتكەر ەتەدى دەپ سانايدى.


ۇسىنىلعان
سوڭعى جاڭالىقتار