ەكىباستۇز گرەس-3 جىلۋ ەلەكتر ستانسياسىن سالۋعا ينۆەستور تابىلمادى. بۇل تۋرالى ەنەرگەتيكا ءمينيسترى ەرلان اككەنجەنوۆ ۇكىمەت وتىرىسىندا مالىمدەدى، دەپ حابارلايدى Dalanews.kz.
"ەكىباستۇز گرەس-3 قۇرىلىسىنا ينۆەستور انىقتاۋ بويىنشا وتكىزىلگەن تەندەرگە ءبىر عانا كومپانيا قاتىستى. قازاقستان رەسپۋبليكاسىنىڭ زاڭناماسىنا سايكەس، تەندەردىڭ ءوتۋى ءۇشىن كەمىندە ەكى كومپانيانىڭ قاتىسۋى قاجەت. سوندىقتان تەندەر وتكىزىلمەگەن دەپ تانىلدى"، – دەدى مينيستر.
ونىڭ ايتۋىنشا، وسىعان بايلانىستى مينيسترلىك ۇكىمەت اپپاراتىنا ءبىر كوزدەن كەلىسىمشارت جاساۋ جونىندە شەشىم قابىلداۋ تۋرالى حات جولداعان.
"ءقازىر ۇكىمەتتىڭ ءتيىستى شەشىمىن كۇتىپ وتىرمىز"، – دەدى ەرلان اككەنجەنوۆ.
