Екібастұз ГРЭС-3 жылу электр станциясын салуға инвестор табылмады. Бұл туралы Энергетика министрі Ерлан Әккенженов Үкімет отырысында мәлімдеді, деп хабарлайды Dalanews.kz.
"Екібастұз ГРЭС-3 құрылысына инвестор анықтау бойынша өткізілген тендерге бір ғана компания қатысты. Қазақстан Республикасының заңнамасына сәйкес, тендердің өтуі үшін кемінде екі компанияның қатысуы қажет. Сондықтан тендер өткізілмеген деп танылды", – деді министр.
Оның айтуынша, осыған байланысты министрлік Үкімет аппаратына бір көзден келісімшарт жасау жөнінде шешім қабылдау туралы хат жолдаған.
"Қазір Үкіметтің тиісті шешімін күтіп отырмыз", – деді Ерлан Әккенженов.
