گلۋبوكو اۋدانىندا تۇراتىن كوپبالالى وتباسىلار «ءبىر قاباتتى شىعىس» باعدارلاماسى اياسىندا وزدەرىنىڭ كوپتەن كۇتكەن باسپانالارىنا قول جەتكىزدى.
– قۇرمەتتى التىن قۇرساقتى انالار، سىزدەردى رەسپۋبليكا كۇنى قارساڭىندا باسپانالى بولىپ، قۋانىشقا كەنەلىپ جاتقاندارىڭىزبەن شىن جۇرەكتەن قۇتتىقتايمىن! بيىل العاش رەت جوعارى دەڭگەيدە اتاپ ءوتىپ جاتقان رەسپۋبليكا كۇنى سىزدەردىڭ ەستەرىڭىزدە ماڭگى قالاتىنا سەنىمدىمىن. بۇگىن بىزدەر مەملەكەت باسشىسى قاسىم-جومارت توقايەۆ قولداۋمەن وبلىس اكىمى دانيال احمەتوۆ پەن اۋدان اكىمى ەلدار تۋماشينوۆتىڭ قولىنان پاتەر كىلتىن الىپ، ۇلكەن قۋانىشقا بولەنىپ جاتىرمىز. ەلىمىزدىڭ ءوسىپ وركەندەۋى جولىندا ەڭبەك سىڭىرگەن ەل ازاماتتارعا جانە جاڭا ۇيلەردى سالعان قۇرىلىسشىلارعا انالار اتىنان العىس ايتامىز! جاڭا ۇيگە قول جەتكىزگەن كوپبالالى وتباسىلاردىڭ بالالارىن جارقىن بولاشاق كۇتىپ تۇر! – دەپ گلۋبوكو اۋدانىنان تۇرعىنى مەرۋەرت ماحتييەۆا العىسىن ءبىلدىردى.
سونىمەن قاتار زايسان اۋدانىنا قاراستى اينابۇلاق اۋىلىندا مادەنيت ءۇيى كوپشىلىكتىڭ پايدالانۋىنا بەرىلدى. جاڭادان اشىلعان مادەنيەت ۇيىندە اۋىلدىڭ ونەرپازدارى رەسپۋبليكا كۇنى مەرەكەسىنە ارنالعان العاشقى كونسەرتىن ۇيىمداستىرىپ، اۋىل حالىقىنا كوتەرىڭكى كوڭىل-كۇي سىيلادى. جاڭا نىساننىڭ اشىلۋىندا زايسان اۋدانىنىڭ اكىمى دۋلات قاجانوۆ اۋدان مەن اۋىل تۇرعىندارىن رەسپۋبليكا كۇنىمەن قۇتتىقتادى.
سونىمەن قاتار زايسان اۋدانى اكىمدىگى رەسپۋبليكا كۇنى قارساڭىندا وسىدان ءبىر جىل بۇرىن قۇرىلىس باستالعان مەدرەسە جاس جەتكىنشەكتەرگە ەسىگىن ايقارا اشقانىن ايتىپ، قۋانىشتى جاڭالىقتارىمەن ءبولىستى. وسى رەتتە مەدرەسەنىڭ اشىلۋىنا جەرگىلىكتى حالىق پەن كاسىپكەرلەر بەلسەنە اتسالىسقانىن ايتا كەتۋىمىز كەرەك. ءوز كەزەگىندە زايسان اۋدانىنىڭ اكىمى دۋلات قاجانوۆ ساۋابى مول ىسكە ءوز ۇلەسىن قوسقان ازاماتتارعا العىس ايتتى.
– رەسپۋبليكا كۇنى قارساڭىندا اشىلعان مەدرەسە جاستارىمىزعا ىزگىلىك پەن ادامگەرشىلىك قاعيداتتارىن ۇيرەتەتىپ، ۇلتجاندى ازاماتتار تاربيلەيتىنە سەنىمدىمىن. بارشاڭىزدى ايتۋلى مەرەكەمەن قۇتتىقتايمىن! ەلىمىز امان، جۇرتىمىز تىنىش بولسىن! – دەدى اۋدان اكىمى.
