Glýboko aýdanynda turatyn kópbalaly otbasylar «Bir qabatty Shyǵys» baǵdarlamasy aiasynda ózderiniń kópten kútken baspanalaryna qol jetkizdi.
– Qurmetti altyn qursaqty analar, sizderdi Respýblika kúni qarsańynda baspanaly bolyp, qýanyshqa kenelip jatqandaryńyzben shyn júrekten quttyqtaimyn! Biyl alǵash ret joǵary deńgeide atap ótip jatqan Respýblika kúni sizderdiń esterińizde máńgi qalatyna senimdimin. Búgin bizder Memleket basshysy Qasym-Jomart Toqaev qoldaýmen oblys ákimi Danial Ahmetov pen aýdan ákimi Eldar Týmashinovtyń qolynan páter kiltin alyp, úlken qýanyshqa bólenip jatyrmyz. Elimizdiń ósip órkendeýi jolynda eńbek sińirgen el azamattarǵa jáne jańa úilerdi salǵan qurylysshylarǵa analar atynan alǵys aitamyz! Jańa úige qol jetkizgen kópbalaly otbasylardyń balalaryn jarqyn bolashaq kútip tur! – dep Glýboko aýdanynan turǵyny Merýert Mahtieva alǵysyn bildirdi.
Sonymen qatar Zaisan aýdanyna qarasty Ainabulaq aýylynda Mádenit úii kópshiliktiń paidalanýyna berildi. Jańadan ashylǵan Mádeniet úiinde aýyldyń ónerpazdary Respýblika kúni merekesine arnalǵan alǵashqy kontsertin uiymdastyryp, aýyl halyqyna kóterińki kóńil-kúi syilady. Jańa nysannyń ashylýynda Zaisan aýdanynyń ákimi Dýlat Qajanov aýdan men aýyl turǵyndaryn Respýblika kúnimen quttyqtady.
Sonymen qatar Zaisan aýdany ákimdigi Respýblika kúni qarsańynda osydan bir jyl buryn qurylys bastalǵan medrese jas jetkinshekterge esigin aiqara ashqanyn aityp, qýanyshty jańalyqtarymen bólisti. Osy rette medreseniń ashylýyna jergilikti halyq pen kásipkerler belsene atsalysqanyn aita ketýimiz kerek. Óz kezeginde Zaisan aýdanynyń ákimi Dýlat Qajanov saýaby mol iske óz úlesin qosqan azamattarǵa alǵys aitty.
