تۋريزم جەنە سپورت مينيسترٸ ەربول مىرزابوسىنوۆ ٷكٸمەتتەگٸ بريفينگ بارىسىندا قاراعاندى وبلىسىنىڭ دەنە شىنىقتىرۋ جەنە سپورت باسقارماسىنىڭ باسشىسى سەرٸك سەپيەۆ پەن ونىڭ ورىنباسارى دەۋرەن ەسٸمحانوۆ اراسىنداعى جانجالعا قاتىستى پٸكٸر بٸلدٸردٸ, دەپ حابارلايدى Dalanews.kz.
جۋرناليستەر مينيستردەن الداعى ۋاقىتتا سپورتشىلاردى مەملەكەتتٸك قىزمەتتەگٸ باسشىلىق لاۋازىمدارعا تاعايىنداۋ جالعاسا ما دەگەن سۇراق قويدى.
"بارلىق سپورتشى-وليمپيادا چەمپيوندارىن جاپپاي قىزمەتكە تاعايىنداپ جاتقانداي ەسەر قالىپتاسقان. نەگٸزٸندە ولاردى ساۋساقپەن ساناپ شىعۋعا بولادى. مەملەكەتتٸك قىزمەتتە جۇمىس ٸستەگەن نەبەرٸ ەكٸ وليمپيادا چەمپيونى عانا بار", - دەدٸ مىرزابوسىنوۆ.
مينيستردٸڭ ايتۋىنشا, بۇل ازاماتتار بەلگٸلٸ بٸر باسقارۋ جولىنان ٶتكەن.
"ولار دەپۋتات بولدى, اۋدان ەكٸمٸ قىزمەتٸن اتقاردى, سپورت باسقارمالارىن باسقاردى. بٷگٸندە ٶزدەرٸ تۋىپ-ٶسكەن, تەربيەلەنگەن ورتاسىنا قايتا ورالىپ, سول ٶڭٸرلەردە سپورتتى دامىتۋعا اتسالىسىپ جٷر. سوندىقتان بۇل جاعدايدى تەك سپورتشىلارمەن بايلانىستىرۋدىڭ قاجەتٸ جوق دەپ ويلايمىن. قازٸرگٸ تاڭدا مەملەكەتتٸك قىزمەت ٸستەرٸ اگەنتتٸگٸ تەرگەۋ جٷرگٸزٸپ جاتىر. قورىتىندىسى بويىنشا بٸزگە ناقتى شەشٸم ايتىلادى", - دەپ تولىقتىردى مينيستر.
ەسكە سالايىق, بۇعان دەيٸن سەرٸك سەپيەۆ سوققىعا جىعىلىپ, ورىنباسارى تەرگەۋگە الىنعانىن حابارلاعان ەدٸك.
ارتىنشا جەلٸدە وقيعانىڭ ۆيدەوسى تارادى. سەرٸك سەپيەۆ سول كٷنٸ داۋلى وقيعاعا بايلانىستى مەلٸمدەمە جاساعان ەدٸ.
بۇل وقيعاعا بايلانىستى قاراعاندىنىڭ سپورت باسقارماسىندا اۋديت جٷرگٸزٸلەدٸ.
