Өткен жұмада БАҚ пен әлеуметтік желілерде Қарағандыда боксшы Серік Сәпиев соққыға жығылды деген ақпарат тарады, деп хабарлайды Dalanews.kz.
Бұл жағдайға Қарағанды облысы әкімінің баспасөз қызметі пікір білдірді.
"Оқиғаның мән-жайын жан-жақты әрі әділ зерделеу мақсатында Спорт басқармасында Мемлекеттік қызмет істері агенттігінің тиісті департаменті тарапынан тексеріс басталды. Сонымен қатар, басқарманың қызметіне кешенді аудит жүргізу көзделіп отыр", - деп жазылған хабарламада.
Айта кетейік, бұған дейін Қарағанды қаласының 42 жастағы тұрғынының арызы негізінде ұрып-соғу дерегі бойынша қылмыстық іс қозғалған еді.
"21 қаңтарда қаладағы спорт кешендерінің бірінде екі ер адам арасында жанжал туындаған. Қазір полиция қызметкерлері болған оқиғаның барлық мән-жайын анықтап жатыр", - деді Қарағанды облысы Полиция департаментінің баспасөз қызметі өкілі.
