رەسەي قازاقستانمەن اراداعى سىيلاستىققا سىزات تٷسٸرگٸسٸ كەلمەيدٸ
“قازاقستان رەسەيلٸك ەكونوميكاعا سالىنعان حالىقارالىق سانكتسييالار تالابىن ساقتاي وتىرىپ, ٶزارا تيٸمدٸ كەلٸسٸمدەر جاساۋعا قول جەتكٸزدٸ” - دەيدٸ رەسمي باق.
سانكتسييالاردىڭ تالاپتارى ساقتالعانى دۇرىس, ەرينە. ەيتپەسە بٸزدٸڭ ەلگە زاردابى دا وڭاي بولماسى انىق قوي.
پۋتيننٸڭ قازٸر سىرتقى ساياساتىنداعى الپاۋىت ەلدەرمەن اراداعى قارىم-قاتىناسى كٷردەلەنٸپ, حالىقارالىق سانكتسييالاردىڭ سالدارىنان سالى سۋعا كەتٸپ, جٷنٸ جىعىلىپ قالعان عوي.
سوندىقتان قازاقستان دەل قازٸر رەسەي ٷشٸن ىنتىماقتاستىعىن نىعايتۋعا مٷددەلٸ بٸردەن-بٸر ەل بوپ تۇر. وسى ساپارىنىڭ ٶزٸنەن - اق كرەمل ٷشٸن قازاقستاننىڭ ورنى بٶلەك ەكەنٸن اڭعارۋعا بولادى.
پۋتين دە ەككٸ ساياساتكەر عوي, كەشە عانا استانادا تٷركٸ ەلدەرٸ سامميتٸ ٶتكەنٸن, فرانتسييا پرەزيدەنتٸ كەلٸپ-كەتكەنٸن كٶرٸپ, بٸلٸپ وتىر. ونىڭ وسى كەلٸسٸندە كرەمل ٷشٸن قازاقستاننىڭ ورنى بٶلەك ەكەنٸ اڭعارىلدى. ونىڭ ٷستٸنە, جاقىندا عانا استاناعا فرانتسييا پرەزيدەنتٸ كەلٸپ-كەتكەن, ودان كەيٸن تٷركٸ ەلدەرٸ ۇيىمىنىڭ سامميتٸ ٶتكەن – كٶرشٸمٸز مۇنىڭ بەرٸن كٶرٸپ-بٸلٸپ وتىر.
سوندىقتان دا «21 عاسىرداعى تاتۋ كٶرشٸلٸك پەن وداقتاستىق تۋرالى كەلٸسٸم-شارتتىڭ» ون جىلدىعى ولار ٷشٸن اتاپ ٶتۋگە تۇرارلىق داتاعا اينالعانى بايقالادى.
قازاقتا “جىلاندى ٷش كەسكەندە, كەسٸرتكەلٸك قاۋقارى بار” دەگەن سٶز تەگٸن ايتىلماعان. دەل قازٸر بٸزدە بٸرەۋگە دٶڭ ايبات كٶرسەتٸپ, جەلكەمٸزدٸ كٷجٸرەيتەتٸن جاعداي جوق.
ساياسات دەگەن ٶتە نەزٸك نەرسە. مٷلت كەتسەڭ, زييانى بٷكٸل ەلگە تيەدٸ. ەلدٸڭ تىنىشتىعىنا, ٶمٸرٸنە تيەدٸ. اينالامىزدا نە بوپ جاتقانىن كٶرٸپ وتىرمىز. رەسەي قانشا جەردەن قۇلدىراسا دا, الپاۋىت ەلدٸڭ بٸرٸ. ولاردى قۇشاق جايا قارسى العاندا ماحابباتىمىز اسىپ-تاسىعاننان ەمەس, دەل قازٸرگٸ جاعدايدا, ەل قاۋٸپسٸزدٸگٸ ٷشٸن كٶرشٸلەردٸڭ ەشقايسىمەن داۋلاسپاي, جاۋلاسپاي, تاتۋلىق پەن بٸرلٸك ساياساتىن جٷرگٸزۋ اسا ماڭىزدى بولىپ تۇر.
رەسەي – بٷگٸنگٸ تاڭدا قازاقستاننىڭ ەڭ ٸرٸ ساۋدا-ەكونوميكالىق ەرٸپتەسٸ. ەكٸ ەل اراسىنداعى تاۋار اينالىمى بىلتىر 28 ملرد. دوللارعا جەتكەن. قازٸرگٸ الىس-بەرٸستٸڭ قارقىنىنا قاراعاندا, بيىل ونىڭ كٶلەمٸ 30 ملرد. دوللاردان اسۋى ىقتيمال.
لەززات احاتوۆا
