جاڭا مەكتەپتە اشىلۋ سالتاناتىنا وبلىس اكىمى ەرمەك مارجىقپايەۆ، وقۋ-اعارتۋ ءمينيسترى عاني بەيسەمبايەۆ، قوسشى قالاسىنىڭ اكىمى گايدار قاسەنوۆ، «ۆەرنىي كاپيتال» ينۆەستيسيالىق توبىنىڭ باس ديرەكتورى ەرلان وسپانوۆ، «بولات وتەمۇراتوۆ» قورى قامقورشىلىق كەڭەسىنىڭ ءتوراعاسى الماس شارمان، ت.ب رەسمي قوناقتار، اتا-انالار قاتىسىپ، جۇرەكجاردى تىلەكتەرىن ارنادى.
جەكە ينۆەستيسيا ەسەبىنەن سالىنعان 1500 ورىندىق مەكتەپ-گيمنازيانىڭ اشىلۋ سالتاناتىندا وبلىس اكىمى ەرمەك مارجىقپايەۆ مەملەكەت باسشىسىنىڭ تاپسىرماسىمەن بيىلعى جىلى وڭىردە 10 مەكتەپتىڭ قۇرىلىسى باستالعانىن، ولاردىڭ دەنى 2024 جىلى پايدالانۋعا بەرىلەتىنىن ايتتى. جاڭا قۇرىلىستار نەگىزىنەن استانا قالاسىنىڭ ماڭىنداعى ارشالى، سەلينوگراد، شورتاندى اۋداندارى جانە قوسشى قالاسىندا ورنالاسقان. سونىڭ ەكەۋى بۇگىن قوسشى قالاسىندا اشىلىپ وتىرعانىنا ريزاشىلىعىن ءبىلدىردى.
«قوسشى قالاسىندا تۇرعىندار سانى جەدەل وسۋىنە بايلانىستى مەكتەپ تاپشىلىعى تۋىنداپ، بالالاردى ءۇش اۋىسىممەن وقىتۋعا تۋرا كەلدى. بۇل پروبلەمانى شەشۋ ءۇشىن 2022 جىلى 1200 ورىندىق ءبىر جاڭا مەكتەپ اشىلدى. ەندى مىنە ەكەۋىنىڭ قۇرىلىسى اياقتالىپ، پايدالانۋعا بەرىلىپ جاتىر. سونداي-اق، «جايلى مەكتەپ» ۇلتتىق جوباسى اياسىندا 2024-2025 جىلدار كەزەڭىندە 3 مەكتەپ سالۋ جوسپارلانعان. بۇل ءبىلىم وشاقتارىنداعى شامادان تىس جۇكتەمەنى ازايتىپ، ءۇش اۋىسىمدىق وقۋ جۇيەسىن جويۋعا سەپتىگىن تيگىزدى» دەپ اتاپ ءوتتى ەرمەك بورانباي ۇلى.
ايتا كەتەيىك، بيىل مەملەكەتتىڭ قولداۋىمەن رەسپۋبليكا بويىنشا 130 مىڭ وقۋشىعا ارنالعان 154 مەكتەپ ىسكە قوسىلماقشى. ونىڭ 55 مىڭ وقۋشىعا ارنالعان 39 مەكتەبى 1 قىركۇيەكتە ەسىگىن ايقارا اشتى.
«بۇگىنگى كۇنى قازاقستان بويىنشا 3 ميلليون 9 مىڭ وقۋشى العاش رەت مەكتەپ تابالدىرىعىن اتتاپ، سىزدەرمەن بىرگە تويلاپ جاتىر دەسەك بولادى. ونىڭ ىشىندە 400 مىڭعا جۋىق ءبۇلدىرشىن 1 سىنىپقا بارسا، 18 مىڭنان استام 11 سىنىپتى بىتىرمەكشى. قۇرمەتتى ۇستازدار، وقۋشىلار، اتا-انالار سىزدەردى ءبىلىمنىڭ العاشقى كۇنىمەن شىن جۇرەكتەن قۇتتىقتاۋعا رۇقسات ەتىڭىزدەر. سىزدەردىڭ شاكىرتتەرىڭىز ۇمىتتەرىڭىزدى اقتاپ، وسى ءبىلىم وشاعىنان ەل تىزگىنىن ۇستار ەلدىڭ ازاماتتارى بولىپ شىعۋىنا شىن جۇرەكتەن تىلەكتەسپىن» دەدى وقۋ-اعارتۋ ءمينيسترى عاني بەيسەمبايەۆ.
مەملەكەتىمىز ءبىلىم سالاسىنا ۇنەمى قولداۋ كورسەتىپ وتىرادى. سونىڭ ايقىن ايعاعى – «جايلى مەكتەپ» ۇلتتىق جوباسى شەڭبەرىندە ەلىمىزدە بۇرىن-سوڭدى بولماعان جاڭالىق – 400 جاڭا ۇلگىدەگى مەكتەپتەر سوعىلماقشى. ونىڭ 200-دەن استامىنىڭ قۇرىلىسى ءقازىردىڭ وزىندە جۇرگىزىلىپ جاتىر. مۇنىڭ ءبارى مەملەكەتىمىزدەگى اپاتتى جانە ءۇش اۋىسىمدىق مەكتەپتەردىڭ ماسەلەسىن شەشۋگە باعىتتالعان.
«ۆەرنىي كاپيتال» ينۆەستيسيالىق توبىنىڭ باس ديرەكتورى ەرلان وسپانوۆ قوسشى قالاسىنىڭ اكىمى گايدار قاسەنوۆكە جاڭا عيماراتتىڭ سيمۆوليكالىق كىلتىن تابىس ەتتى. جالپى اۋماعى 17،5 مىڭ شارشى مەتر بولاتىن جەكە ينۆەستيسياعا سالىنعان مەكتەپتىڭ مەردىگەرى – "Bazis Construction". ونىڭ سمەتالىق قۇنى -7،6 ملرد. تەڭگە. مەكتەپ تولىق جابدىقتالعان، وقۋ كابينەتتەرى قاجەتتى كومپيۋتەرلىك جابدىقتارمەن قامتاماسىز ەتىلگەن، 360 ورىندىق اسحانا، 280 ورىندىق اكت زالى، 2 سپورت زالى، 4 ينفورماتيكا كابينەتى، مۋزىكالىق اسپاپتار كابينەتى، بۋفەت، كىتاپحانا، 3 كىتاپ قويماسى، سونداي-اق گيمنازيادا (قىش شەبەرحاناسى، روبوتتەحنيكا، فوتوستۋديا كابينەت سياقتى) ارنايى كابينەتتەر بار. بۇدان بولەك حيميا، فيزيكا، بيولوگيا، تەحنولوگيا كابينەتتەرى بارلىق قاجەتتى جابدىقتارمەن تولىق قامتىلعان. وقۋ كابينەتتەرى سانيتارلىق تالاپتارعا سايكەس مەكتەپ جيھازدارىمەن جابدىقتالعان. مەكتەپ اۋماعىندا فۋتبول جانە باسكەتبول الاڭى بار.
عيمارات 3 (ءۇش) قاباتتى، جەدەلساتى جۇيەسى جۇمىس ىستەيدى. جالپى وقۋشىلار سانى – 2 657.
گيمنازياعا كىرە بەرىستە تۋرنيكەتتەر ورناتىلعان، ول مەكتەپكە كىرۋ بەت دەتەرمينانتى (FaseID) ارقىلى جۇزەگە اسىرىلادى. مەكتەپ وقۋشىلارى مەن قىزمەتكەرلەرىنىڭ دەرەكتەر بازاسى قۇرىلعان. مەكتەپ جوعارى ساپالى، زاماناۋي تەحنولوگيالىق جابدىقتارمەن جابدىقتالعان!
سونداي-اق بۇگىن قوسشى قالاسىندا 1200 ورىندىق №3 تاعى ءبىر مەكتەپ اشىلدى. ونىڭ قۇرىلىسىنا اقمولا وبلىسىنىڭ بيۋدجەتىنەن 220 ملرد. تەڭگە بولىنگەن. مەكتەپتىڭ جالپى اۋدانى - 20357 مىڭ شارشى مەتر. عيمارات 3 قاباتتان، 6 بلوكتان تۇرادى. وقۋ كابينەتتەرىنىڭ سانى-50. حيميا، فيزيكا، بيولوگيا، تەحنولوگيا كابينەتتەرى، قاجەتتى جيھازبەن تولىقتاي جابدىقتالعان. 384 ورىندىق اسحانا، 600 ورىندىق اكت زالى، اۋدانى 520 شارشى مەتر سپورت زالى، مەتال، اعاش، ماتا وڭدەۋ شەبەرحانالارى، العاشقى اسكەري دايىندىق كابينەتى بار.
مەكتەپ اۋماعىندا فۋتبول جانە باسكەتبول الاڭى بار. بارلىق قابىلدانعان وقۋشىلار سانى-590 وقۋشى. وقۋشىلار سانى تاعى كوبەيەدى دەپ كۇتىلۋدە.
ءسويتىپ، 2023-2024 وقۋ جىلىنىڭ باسىندا مەكتەپكە قوسشى قالاسى بويىنشا 10 809 وقۋشى باردى. ءبىرىنشى سىنىپ وقۋشىلارىنىڭ سانى –1321، ونىڭ ىشىندە جەكە مەكتەپتە – 77، تايتوبەدەگى مەكتەپتە – 71.
قالانىڭ ءبىلىم بەرۋ ۇيىمىنىڭ جەلىسىنە 31 بالاباقشا كىرەدى. وندا 3 667 بالا تاربيەلەنىپ جاتىر. 420 ورىندىق 2 مەملەكەتتىك بالاباقشا («التىن ءدان» جانە «سۇلۋ-اي») جانە 3 263 بالاعا ارنالعان 29 جەكە بالاباقشا بار. قازىرگى ۋاقىتتا بالاباقشا كەزەگىندە بارلىعى 1 456 بالا تۇر.
2024 جىلى اباي قۇنانبايەۆ كوشەسىندە جوبالىق قۋاتى 1200 ورىندىق مەكتەپتى ىسكە قوسۋ جوسپارلانۋدا، سونىمەن قاتار 2024 جىلى قوسشى قالاسى مەن تايتوبە اۋىلىندا «جايلى مەكتەپ» باعدارلاماسى بويىنشا 3 بىردەي ءبىلىم وشاعانىڭ ىرگەتاسى قالانىپ باستالادى. بۇل مەكتەپتەردى 2025 جىلى پايدالانۋعا بەرۋ جوسپارلانۋدا.
