ياندەكس جاڭا وقۋ جىلىنىڭ باستالۋىنا وراي ءبىزدى ءبىر قۋانتىپ وتىر. الەمدىك الپاۋىت ىزدەۋ مەن ءموبيلدى قوسىمشاعا جاڭا ءبىلىم بەرۋ سەنارييلەرىن قوستى. ول ەڭ الدىمەن مەكتەپ وقۋشىلارى مەن ستۋدەنتتەرگە، جانە ىزدەمپاز جاندارعا ارنالعان.
ىزدەۋ جولاعىنىڭ استىندا جىلدام جاۋاپتار، ياعني سالىنعان سۇراۋعا وراي ناقتى فاكتىلەر كورىنىپ تۇراتىن بولادى. بۇل ۋاقىتتى ۇنەمدەيدى. قازاق نەمەسە ورىس تىلدەرىندە اقپارات تابۋ ءۇشىن سايتتارعا ءوتۋدىڭ ەش قاجەتى جوق. ءموبيلدى قوسىمشاداعى اقىلدى كامەرا ءماتىندى اۋدارۋعا، تەڭدەۋدى شەشۋگە، وسىمدىك نەمەسە جانۋاردىڭ قازاقشا اتاۋىن انىقتاۋعا كومەكتەسەدى.
قازاق تىلىندەگى العاشقى جىلدام جاۋاپتار
قازاقستاندىق پايدالانۋشىلاردىڭ ىزدەۋ سۇراۋلارىنىڭ كوبى وقۋ بارىسىنا بايلانىستى بولىپ كەلەدى. ادامدار تاريحي وقيعالاردان باستاپ تابيعات قۇبىلىستارىنا دەيىن ءارتۇرلى تاقىرىپتار بويىنشا اقپارات ىزدەيدى. ەندى جىلدام جاۋاپتار ىزدەۋ جولاعىنىڭ استىندا پايدا بولادى. وسىنىڭ ارقاسىندا، قاجەت اقپارات ءۇشىن سايتقا بارۋ كەرەك بولماعاندىقتان ايىنا 15 000 ساعات ۇنەمدەلەدى. مىسالى، ياندەكس ءوزىنىڭ جىلدام جاۋاپتارىندا قازاق حاندىعىنىڭ قاشان قۇرىلعانىن، نەمەسە مەملەكەتتىك تۋ اۆتورلارى تۋرالى اقپاراتتى بەرە الادى.
اقىلدى كامەرا
ياندەكستىڭ ءموبيلدى قوسىمشاسىندا اقىلدى كامەرا قىزمەتى بار. ول ىزدەۋ مەن كومپيۋتەرلىك جانار تەحنولوگياسىن قولدانادى. بەلگىلى ءبىر زاتتىڭ فوتوسى ارقىلى ينتەرنەتتە ىزدەۋ جاساي الادى. ەگەر كامەرانى بولمەدەگى گۇلگە باعىتتاساڭىز، ول گۇلدىڭ قازاقشا اتاۋىن كورسەتەدى. ءدال وسىلاي ساۋلەت نەمەسە ءمۇسىن ەسكەرتكىشىنىڭ اتىن بىلۋگە بولادى.
اقىلدى كامەرانىڭ كومەگىمەن ماتىندەردى قازاق تىلىنەن ونداعان باسقا تىلدەرگە، نەمەسە كەرىسىنشە شەت تىلدەردى قازاق تىلىنە اۋدارۋ وتە قولايلى.
اقىلدى كامەرا ءتىپتى فوتوسۋرەتتەگى تەكستتى دە ءماتىن رەتىندە تاني بىلەدى. كامەرانى قازاقشا ءماتىنى بار سۋرەتكە باعىتتاپ، سوزدەردى وڭاي كوشىرىپ الۋعا بولادى. قولمەن ءماتىن تەرىپ جاتقاننان كورى بۇل الدەقايدا جەڭىل ەكەنىنمەن كەلىسۋگە بولادى.
اقىلدى كامەرانىڭ ءبىر قاسيەتى، ول وقۋشىعا تەڭدەۋ دۇرىس شەشىلدى مە، سونى انىقتاۋعا كومەكتەسە الادى.
اقىلدى كامەرانى ەسەپكە باعىتتاسا، ول شەشىمنىڭ الگوريتمىن كورسەتىپ بەرەدى. سول ارقىلى وقۋشى ءوز تەڭدەۋىنىڭ شەشۋ جولىنىڭ بۇرىس-دۇرىستىعىن تەكسەرە الادى. ال اتا-اناسىندا بالاسىنا باعىت-باعدار بەرۋگە مۇمكىندىك پايدا بولادى.
اقىلدى كامەرا سونداي-اق گرافيككە باعىتتالعان جاعدايدا فۋنكسياسىن انىقتاپ، ول تۋرالى تولىق اقپاراتتى قاي سايتتان الۋعا بولاتىنىن كورسەتەدى. بۇل بالاعا گرافيكتىڭ قالاي قۇرىلعانىن بىلۋگە كومەكتەسەدى. سول ارقىلى وقۋشى تاپسىرمانى تولىق تۇسىنەدى.
