Iandeks jańa oqý jylynyń bastalýyna orai bizdi bir qýantyp otyr. Álemdik alpaýyt izdeý men mobildi qosymshaǵa jańa bilim berý stsenariilerin qosty. Ol eń aldymen mektep oqýshylary men stýdentterge, jáne izdempaz jandarǵa arnalǵan.
Izdeý jolaǵynyń astynda jyldam jaýaptar, iaǵni salynǵan suraýǵa orai naqty faktiler kórinip turatyn bolady. Bul ýaqytty únemdeidi. Qazaq nemese orys tilderinde aqparat tabý úshin saittarǵa ótýdiń esh qajeti joq. Mobildi qosymshadaǵy aqyldy kamera mátindi aýdarýǵa, teńdeýdi sheshýge, ósimdik nemese janýardyń qazaqsha ataýyn anyqtaýǵa kómektesedi.
Qazaq tilindegi alǵashqy jyldam jaýaptar
Qazaqstandyq paidalanýshylardyń izdeý suraýlarynyń kóbi oqý barysyna bailanysty bolyp keledi. Adamdar tarihi oqiǵalardan bastap tabiǵat qubylystaryna deiin ártúrli taqyryptar boiynsha aqparat izdeidi. Endi jyldam jaýaptar izdeý jolaǵynyń astynda paida bolady. Osynyń arqasynda, qajet aqparat úshin saitqa barý kerek bolmaǵandyqtan aiyna 15 000 saǵat únemdeledi. Mysaly, Iandeks óziniń jyldam jaýaptarynda Qazaq handyǵynyń qashan qurylǵanyn, nemese memlekettik tý avtorlary týraly aqparatty bere alady.
Aqyldy kamera
Iandekstiń mobildi qosymshasynda aqyldy kamera qyzmeti bar. Ol izdeý men kompiýterlik janar tehnologiiasyn qoldanady. Belgili bir zattyń fotosy arqyly internette izdeý jasai alady. Eger kamerany bólmedegi gúlge baǵyttasańyz, ol gúldiń qazaqsha ataýyn kórsetedi. Dál osylai sáýlet nemese músin eskertkishiniń atyn bilýge bolady.
Aqyldy kameranyń kómegimen mátinderdi qazaq tilinen ondaǵan basqa tilderge, nemese kerisinshe shet tilderdi qazaq tiline aýdarý óte qolaily.
Aqyldy kamera tipti fotosýrettegi tekstti de mátin retinde tani biledi. Kamerany qazaqsha mátini bar sýretke baǵyttap, sózderdi ońai kóshirip alýǵa bolady. Qolmen mátin terip jatqannan kóri bul áldeqaida jeńil ekeninmen kelisýge bolady.
Aqyldy kameranyń bir qasieti, ol oqýshyǵa teńdeý durys sheshildi me, sony anyqtaýǵa kómektese alady.
Aqyldy kamerany esepke baǵyttasa, ol sheshimniń algoritmin kórsetip beredi. Sol arqyly oqýshy óz teńdeýiniń sheshý jolynyń burys-durystyǵyn teksere alady. Al ata-anasynda balasyna baǵyt-baǵdar berýge múmkindik paida bolady.
Aqyldy kamera sondai-aq grafikke baǵyttalǵan jaǵdaida fýnktsiiasyn anyqtap, ol týraly tolyq aqparatty qai saittan alýǵa bolatynyn kórsetedi. Bul balaǵa grafiktiń qalai qurylǵanyn bilýge kómektesedi. Sol arqyly oqýshy tapsyrmany tolyq túsinedi.
