Almatydaǵy №126 mamandandyrylǵan litseidiń 11-synyp oqýshysynyń qazasyna bailanysty oqiǵanyń mán-jaiy anyqtalyp jatyr, dep habarlaidy dalanews.kz.
Qaiǵyly jaǵdai 23 mamyrǵa qaraǵan túni Áýezov aýdanynda bolǵan. Aldyn ala málimet boiynsha, oqiǵa túngi saǵat 03:00 men 04:00 aralyǵynda tirkelgen.
Marqumnyń ustazdary men synyptastary bul habardy aýyr qabyldaǵan. Óitkeni ol mekteptegi eń úzdik oqýshylardyń biri sanalyp, aldaǵy ómirine qatysty úlken josparlar quryp júrgen.
Litsei direktory Aijan Ábýevanyń aitýynsha, jasóspirim oqý úlgerimimen erekshelengen.
«Ol óte jaqsy oqydy. AQSh pen Qytaidaǵy joǵary oqý oryndarynan shaqyrtý alǵan. Bul týraly mektep ujymy bilmegen, aqparat jerleý rásiminde belgili boldy. Sondai-aq qatarlas synyptaǵy qyzben qarym-qatynasta bolǵan», – dedi direktor.
Mektep ákimshiliginiń málimetinshe, túlek Ulttyq biryńǵai testileýde de joǵary nátije kórsetken. Qańtar aiyndaǵy testileýde 119 ball jinaǵan bolsa, keiingi synaqtardyń birinde 134 ball alǵan. Ol mamyr aiynda negizgi UBT-ny tapsyrýy tiis bolǵan. Sonymen birge matematika páninen túrli olimpiadalarǵa qatysyp júrgen.
Jaqyndarynyń aitýynsha, jasóspirimniń minez-qulqynan eshqandai alańdatarlyq belgi baiqalmaǵan. Qaiǵyly oqiǵadan bir kún buryn, 22 mamyrda ol mekteptegi sońǵy qońyraý saltanatyna daiyndyqqa qatysyp, kóterińki kóńil kúide bolǵan.
«Ol sońǵy qońyraý kezinde muǵalimin bige shaqyratynyn aitqan edi. Kóńildi júrdi. Keshke úiine kelip, anasynan et taǵamyn daiyndaýdy suraǵan. Keiin otbasy músheleri demalýǵa jatqan», – dedi Aijan Ábýeva.
Marqum otbasyndaǵy úshinshi bala bolǵan.
Qazirgi ýaqytta tergeý aiasynda ártúrli nusqalar qarastyrylyp jatyr. Sonyń ishinde otbasylyq jaǵdaiǵa qatysty boljamdar da tekserilýde. Alaida muǵalimderdiń sózinshe, otbasy syrt kózge tatý ári úlgili bolyp kóringen.
Synyp jetekshisiniń aitýynsha, ata-anasy mektep ómirine belsendi aralasyp, jinalystarǵa turaqty qatysyp otyrǵan. Sondai-aq olar tarapynan úidegi qandai da bir qiyndyqtar nemese janjaldar týraly málimet túspegen.
