الماتىداعى №126 مامانداندىرىلعان ليتسەيدٸڭ 11-سىنىپ وقۋشىسىنىڭ قازاسىنا بايلانىستى وقيعانىڭ مەن-جايى انىقتالىپ جاتىر, دەپ حابارلايدى dalanews.kz.
قايعىلى جاعداي 23 مامىرعا قاراعان تٷنٸ ەۋەزوۆ اۋدانىندا بولعان. الدىن الا مەلٸمەت بويىنشا, وقيعا تٷنگٸ ساعات 03:00 مەن 04:00 ارالىعىندا تٸركەلگەن.
مارقۇمنىڭ ۇستازدارى مەن سىنىپتاستارى بۇل حاباردى اۋىر قابىلداعان. ٶيتكەنٸ ول مەكتەپتەگٸ ەڭ ٷزدٸك وقۋشىلاردىڭ بٸرٸ سانالىپ, الداعى ٶمٸرٸنە قاتىستى ٷلكەن جوسپارلار قۇرىپ جٷرگەن.
ليتسەي ديرەكتورى ايجان ەبۋەۆانىڭ ايتۋىنشا, جاسٶسپٸرٸم وقۋ ٷلگەرٸمٸمەن ەرەكشەلەنگەن.
«ول ٶتە جاقسى وقىدى. اقش پەن قىتايداعى جوعارى وقۋ ورىندارىنان شاقىرتۋ العان. بۇل تۋرالى مەكتەپ ۇجىمى بٸلمەگەن, اقپارات جەرلەۋ رەسٸمٸندە بەلگٸلٸ بولدى. سونداي-اق قاتارلاس سىنىپتاعى قىزبەن قارىم-قاتىناستا بولعان», – دەدٸ ديرەكتور.
مەكتەپ ەكٸمشٸلٸگٸنٸڭ مەلٸمەتٸنشە, تٷلەك ۇلتتىق بٸرىڭعاي تەستٸلەۋدە دە جوعارى نەتيجە كٶرسەتكەن. قاڭتار ايىنداعى تەستٸلەۋدە 119 بالل جيناعان بولسا, كەيٸنگٸ سىناقتاردىڭ بٸرٸندە 134 بالل العان. ول مامىر ايىندا نەگٸزگٸ ۇبت-نى تاپسىرۋى تيٸس بولعان. سونىمەن بٸرگە ماتەماتيكا پەنٸنەن تٷرلٸ وليمپيادالارعا قاتىسىپ جٷرگەن.
جاقىندارىنىڭ ايتۋىنشا, جاسٶسپٸرٸمنٸڭ مٸنەز-قۇلقىنان ەشقانداي الاڭداتارلىق بەلگٸ بايقالماعان. قايعىلى وقيعادان بٸر كٷن بۇرىن, 22 مامىردا ول مەكتەپتەگٸ سوڭعى قوڭىراۋ سالتاناتىنا دايىندىققا قاتىسىپ, كٶتەرٸڭكٸ كٶڭٸل كٷيدە بولعان.
«ول سوڭعى قوڭىراۋ كەزٸندە مۇعالٸمٸن بيگە شاقىراتىنىن ايتقان ەدٸ. كٶڭٸلدٸ جٷردٸ. كەشكە ٷيٸنە كەلٸپ, اناسىنان ەت تاعامىن دايىنداۋدى سۇراعان. كەيٸن وتباسى مٷشەلەرٸ دەمالۋعا جاتقان», – دەدٸ ايجان ەبۋەۆا.
مارقۇم وتباسىنداعى ٷشٸنشٸ بالا بولعان.
قازٸرگٸ ۋاقىتتا تەرگەۋ اياسىندا ەرتٷرلٸ نۇسقالار قاراستىرىلىپ جاتىر. سونىڭ ٸشٸندە وتباسىلىق جاعدايعا قاتىستى بولجامدار دا تەكسەرٸلۋدە. الايدا مۇعالٸمدەردٸڭ سٶزٸنشە, وتباسى سىرت كٶزگە تاتۋ ەرٸ ٷلگٸلٸ بولىپ كٶرٸنگەن.
سىنىپ جەتەكشٸسٸنٸڭ ايتۋىنشا, اتا-اناسى مەكتەپ ٶمٸرٸنە بەلسەندٸ ارالاسىپ, جينالىستارعا تۇراقتى قاتىسىپ وتىرعان. سونداي-اق ولار تاراپىنان ٷيدەگٸ قانداي دا بٸر قيىندىقتار نەمەسە جانجالدار تۋرالى مەلٸمەت تٷسپەگەن.
