باسپاگەر شىڭعىس مۇقان قىزدار پەداگوگيكالىق ۋنيۆەرسيتەتىندەگى (قىزپۋ) Coffee Book جوباسىنا قاتىستى ماسەلە كوتەردى. ونىڭ ايتۋىنشا، ۋنيۆەرسيتەتتىڭ جاڭا باسشىلىعى UniSpace الاڭىندا ورنالاسقان Coffee Book-تىڭ كەلىسىمشارتىن ۇزارتپاي، ورىندى بوساتۋدى تالاپ ەتىپ وتىر، دەپ حابارلايدى Dalanews.kz.

شىڭعىس مۇقاننىڭ جازباسىنا سۇيەنسەك، بۇل جوبا ءبىر جىل بۇرىن سول كەزدەگى رەكتور گۇلميرا قانايدىڭ «قىزدارعا كىتاپ وقىتۋعا جاعداي جاسايىق» دەگەن ۇسىنىسىمەن ىسكە قوسىلعان. UniSpace الاڭى قىزپۋ-دىڭ جاڭا كورپۋسىندا اشىلىپ، جوبانىڭ تۇساۋكەسەرىنە عىلىم جانە جوعارى ءبىلىم ءمينيسترى ساياسات نۇربەك باستاعان زيالى قاۋىم وكىلدەرى قاتىسقان.

باسپاگەردىڭ مالىمەتىنشە، Coffee Book جوباسىنا 10 ملن تەڭگە جەكە قاراجات سالىنعان.

الايدا ۋنيۆەرسيتەتكە جاڭا رەكتور - بەيبىتكۇل كاريموۆا تاعايىندالعاننان كەيىن، وقۋ ورنى تاراپىنان كەلىسىمشارتتى ۇزارتپاۋ جونىندە تالاپ قويىلعان.

"مەملەكەتتىڭ ناشار مەنەدجەر ەكەنىن بىلەمىز، ال سەرىكتەس رەتىندە دە سەنىمسىز ەكەنىن وسىلاي تاعى كورىپ وتىرمىز"، - دەپ جازدى شىڭعىس مۇقان.

قازىرگى تاڭدا ۋنيۆەرسيتەت باسشىلىعى بۇل جاعدايعا قاتىستى رەسمي تۇسىنىكتەمە بەرگەن جوق. Dalanews.kz قىزپۋ اكىمشىلىگىنىڭ پوزيسياسىن ناقتىلاۋ ءۇشىن ساۋال جولدادى.

UPD: سوڭعى دەرەكتەر بويىنشا،قىزپۋ Coffee Book-پەن كەلىسىمشارتتى تاعى ءبىر جىلعا ۇزارتقان.