اتىراۋ وبلىسىندا وتباسى مۇشەلەرىن ءولتىردى دەگەن كۇدىككە ىلىنگەن ازاماتقا قاتىستى وريەنتيروۆكا جاريالاندى، دەپ حابارلايدى Dalanews.kz.
اتاپ ايتقاندا، اتىراۋ وبلىسىندا ءبىر وتباسى مۇشەلەرىن ءولتىردى دەپ كۇدىككە ىلىنگەن، مارقۇمداردىڭ كۇيەۋ بالاسى سۇلتان سارسەمالييەۆكە قاتىستى ىزدەۋ كارتوچكاسى جاريالانعان.
«سارسەمالييەۆ سۇلتان ساميعوللا ۇلى. ءبىر تاۋلىكتەن بەرى ىزدەۋدە. تۋعان كۇنى: 24.04.1996 جىل، جىنىسى: ەر، قازاقستان رەسپۋبليكاسىنىڭ ازاماتى، ۇلتى - قازاق. ىزدەستىرۋ ءىسى 08.01.2026 جىلى “اتىراۋ وبلىسى” ءوڭىرى بويىنشا تىركەلگەن. باستاماشى - قازاقستان رەسپۋبليكاسى ىشكى ىستەر مينيسترلىگى. ىزدەستىرۋدى جۇرگىزىپ وتىرعان ورگان - اتىراۋ وبلىسىنىڭ پوليسيا دەپارتامەنتى (تەل.: 982155)»، - دەلىنگەن قۇقىقتىق ستاتيستيكا جانە ارنايى ەسەپكە الۋ ورگاندارىنىڭ پورتالىندا جاريالانعان ىزدەۋ كارتوچكاسىندا.
ەسكە سالايىق، جانگەلدين اۋىلىنان شىققان وتباسى 2025 جىلى جۇمباق جاعدايدا جوعالىپ كەتكەن بولاتىن. 6 قاڭتاردا اتىراۋ وبلىسىندا جوعالعان وتباسىنىڭ ەكى مۇشەسىنىڭ - وتاعاسى ماقسوت ءقاراباليننىڭ جانە ونىڭ جۇبايى ءناسىپ ۇتەشقالييەۆانىڭ مايىتتەرى تابىلعانى حابارلاندى. كەيىنىرەك ءىس بويىنشا كۇدىكتىلەردىڭ جەكە باسى انىقتالدى.
7 قاڭتاردا قىلمىسقا قازا تاپقانداردىڭ كۇيەۋ بالاسى، 29 جاستاعى سۇلتان سارسەمالييەۆ كۇدىكتى رەتىندە تانىلعانى بەلگىلى بولدى. ال 8 قاڭتاردا ونىڭ رەسمي تۇردە ىزدەۋگە جاريالانعانى حابارلاندى.
