Atyraý oblysynda otbasy múshelerin óltirdi degen kúdikke ilingen azamatqa qatysty orıentırovka jarıalandy, dep habarlaıdy Dalanews.kz.
Atap aıtqanda, Atyraý oblysynda bir otbasy múshelerin óltirdi dep kúdikke ilingen, marqumdardyń kúıeý balasy Sultan Sársemálıevke qatysty izdeý kartochkasy jarıalanǵan.
«Sársemálıev Sultan Samıǵollauly. Bir táýlikten beri izdeýde. Týǵan kúni: 24.04.1996 jyl, jynysy: er, Qazaqstan Respýblıkasynyń azamaty, ulty - qazaq. İzdestirý isi 08.01.2026 jyly “Atyraý oblysy” óńiri boıynsha tirkelgen. Bastamashy - Qazaqstan Respýblıkasy İshki ister mınıstrligi. İzdestirýdi júrgizip otyrǵan organ - Atyraý oblysynyń polısıa departamenti (tel.: 982155)», - delingen quqyqtyq statısıka jáne arnaıy esepke alý organdarynyń portalynda jarıalanǵan izdeý kartochkasynda.
Eske salaıyq, Jangeldın aýylynan shyqqan otbasy 2025 jyly jumbaq jaǵdaıda joǵalyp ketken bolatyn. 6 qańtarda Atyraý oblysynda joǵalǵan otbasynyń eki múshesiniń - otaǵasy Maqsot Qarabalınniń jáne onyń jubaıy Násip Úteshqalıevanyń máıitteri tabylǵany habarlandy. Keıinirek is boıynsha kúdiktilerdiń jeke basy anyqtaldy.
7 qańtarda qylmysqa qaza tapqandardyń kúıeý balasy, 29 jastaǵy Sultan Sársemálıev kúdikti retinde tanylǵany belgili boldy. Al 8 qańtarda onyń resmı túrde izdeýge jarıalanǵany habarlandy.
