8–10 قاڭتار ارالىعىندا قازاقستان اۋماعىنىڭ باسىم بولىگىندە اۋا رايىنا انتيسيكلون اسەر ەتەدى. وسىعان بايلانىستى ەلدىڭ كوپ بولىگىندە جاۋىن-شاشىنسىز اۋا رايى كۇتىلەدى، دەپ حابارلايدى Dalanews.kz.

سينوپتيكتەردىڭ بولجامىنشا، قازاقستاننىڭ باتىسى، سولتۇستىك-باتىسى جانە سولتۇستىگى اتموسفەرالىق فرونتتاردىڭ اسەرىندە قالادى. بۇل وڭىرلەردە جاڭبىر مەن قار تۇرىندەگى جاۋىن-شاشىن ءتۇسىپ، كوكتايعاق بولۋى مۇمكىن. ەلدىڭ سولتۇستىگىندە قار جاۋىپ، تومەنگى بوران سوعادى دەپ بولجانىپ وتىر. رەسپۋبليكا بويىنشا تۇمان ءتۇسىپ، جەل كۇشەيەدى.

الداعى كۇندەرى ەلىمىزدىڭ بارلىق وڭىرىندە اۋا تەمپەراتۋراسى بىرتىندەپ جوعارىلايدى:

باتىستا تۇندە 8° اياز – 5° جىلىمىققا دەيىن، كۇندىز 3° اياز – 8° جىلىمىق؛

سولتۇستىك-باتىستا تۇندە 5–20° اياز، كۇندىز 8° اياز – 1° جىلىمىق؛

سولتۇستىكتە تۇندە 7–15° اياز، كۇندىز 2–10° اياز؛

ورتالىقتا تۇندە 5–15° اياز، كۇندىز 0–6° اياز؛

شىعىستا تۇندە 10–20° اياز، كۇندىز 2–13° اياز؛

وڭتۇستىكتە تۇندە 7° اياز – 2° جىلىمىق، كۇندىز 1–14° جىلىمىق؛

وڭتۇستىك-شىعىستا تۇندە 0–8° اياز، تاۋلى ايماقتاردا 13–18° اياز، كۇندىز 3–12° جىلىمىق، تاۋلى وڭىرلەردە 3° اياز – 2° جىلىمىق كۇتىلەدى.

سينوپتيكتەر اۋا رايىنىڭ قۇبىلمالى بولۋىنا بايلانىستى جولعا شىعاتىن ازاماتتاردى ساقتىق شارالارىن ساقتاۋعا شاقىرادى.