زەرگەرلىك بۇيىمداردى ساتىپ الۋ سىلتاۋىمەن الاياقتىق جاسادى دەگەن كۇدىككە ىلىنگەن ايەل تۇركيادان قايتارىلدى، دەپ حابارلايدى Dalanews.kz.
باس پروكۋراتۋرا مەن ينتەرپول ۇلتتىق ورتالىق بيۋروسى ق ر سىرتقى ىستەر مينيسترلىگىنىڭ جاردەمدەسۋىمەن تۇركيا رەسپۋبليكاسىنان بىرنەشە رەت الاياقتىق جاساعانى ءۇشىن ىزدەۋدە جۇرگەن قازاقستان رەسپۋبليكاسىنىڭ ازاماتىن ەلگە قايتاردى.
كۇدىكتى 2024 جىلى قىزىلوردا قالاسىندا جابىرلەنۋشىلەرگە زەرگەرلىك بۇيىمداردى تومەن باعامەن ساتىپ الىپ بەرەمىن دەپ ۋادە بەرىپ، الداۋ جولىمەن ولاردىڭ اقشالارىن يەمدەنگەن. ونىڭ قىلمىستىق ارەكەتتەرى سالدارىنان 8 ادام جاپا شەگىپ، ولارعا جالپى سوماسى شامامەن 130 ملن تەڭگەگە ماتەريالدىق زالال كەلگەن.
"قىلمىستاردى جاساعاننان كەيىن كۇدىكتى ەل اۋماعىنان تىس جەرگە بوي تاسالاپ، وعان حالىقارالىق ىزدەۋ جاريالانعان. جۇرگىزىلگەن ىزدەستىرۋ ءىس-شارالارى بارىسىندا ول تۇركيا رەسپۋبليكاسىنىڭ اۋماعىندا ۇستالدى. ءقازىر كۇدىكتى تەرگەۋ يزولياتورىنا قامالدى"، - دەپ جازىلعان حابارلامادا.
