قىزاي انا مەشٸتٸ اشىلدى
مەشٸتتٸڭ اشىلۋ سالتاناتىنا الماتى جەنە تالدىقورعان قالالارىنان زييالى قاۋىم ٶكٸلدەرٸ, جەرگٸلٸكتٸ تۇرعىندار, قاۋىمداستىق ٶكٸلدەرٸ, شەلەك وكرۋگٸنٸڭ ەكٸمدٸك قىزمەتكەرلەرٸ قاتىسىپ, سٶز سٶيلەپ, كونتسەرتتٸك باعدارلاما ۇسىنىلدى.
مەشٸتتٸ جٶندەۋ جۇمىستارىن «وتانداس-ەل» رەسپۋبليكالىق قوعامدىق بٸرلەستٸگٸنٸڭ مٷشەلەرٸ نۇربوسىن ىسقاق, ەركٸنتاي مارالبايۇلى, رايىس ەرٸپجانۇلى, جۇبان ورالباي, مۇقاتاي ەبدوللا, جانبولات قۇرمان, نۇرتۇرعان نۇردانبەك, ەركٸن سەرسەنباي, تۇرعانجان كاحاپ قاتارلى ازاماتتار قارجىلاي جەنە ۇيىمداستىرۋ جاعىنان ەلەۋلٸ ٷلەس قوسقانىن بٸرلەستٸك تٶراعاسى مۇقان مامىتحان مىرزا ارنايى اتاپ ٶتتٸ. مەشٸتتٸڭ اشىلۋىنا كەلگەن جاماعات تا ٶز كٶمەكتەرٸن اتاپ, الداعى ۋاقىتتا رۋحانييات سالاسىندا ٸسكە اسىرىلار كەز كەلگەن شاراعا بەلسەنە ارالاسۋعا ۋەدە بەردٸ.
قىزاي انا – يسٸ قازاققا تانىمال انالاردىڭ بٸرٸ. ٶزٸنٸڭ شەشەندٸگٸ مەن ٸسمەرلٸگٸ, مەيٸرٸمدٸلٸگٸ مەن باتىرلىعى ارقىلى قازاق تاريحىندا اڭىزعا اينالعان انانىڭ ۇرپاقتارى ميلليونعا جۋىق. قازاق حاندىعى قۇرىلار تۇستان ٶمٸر سٷرگەن قىزاي انا تۋرالى تاريحي داستاندار, اڭىز-ەفسانالار, شەجٸرەگە ارقاۋ بولعان سان الۋان دەرەكتەر جەتەرلٸك.
بۇعان دەيٸن «قىزاي انا» قورىنىڭ ۇيىمداستىرۋىمەن الماتى وبلىسى تالعار اۋدانى ٶستەمٸر اۋىلىنداعى قىزاي انا كٶشەسٸنٸڭ بويىندا جىل سايىن دەستٷرلٸ ناۋرىز مەرەكەسٸ تويلانىپ, اۋىل تۇرعىندارىنا مەرەكەلٸك كٶڭٸل-كٷي سىيلاپ, وقۋشىلار اراسىندا اۋداندىق سپورت جارىسى, رەسپۋبليكالىق جىر مٷشەيراسى, وقۋشىلار مەن ستۋدەنتتەرگە ارنايى ستيپەندييا بەرٸلٸپ كەلگەن ەدٸ. بۇل شارا الداعى ۋاقىتتا دا ٶز جالعاسىن تابادى.
