– ءسىزدىڭ دۇكەنىڭىزدىڭ ەرەكشەلىگى مەن تارتىمدىلىعىن سيپاتتاپ بەرسەڭىز. تۇتىنۋشىلار نەگە ءسىزدىڭ دۇكەندى تاڭداۋ كەرەك؟ كومپانيانىڭ ميسسياسى قانداي؟
باستى ەرەكشەلىگىمىز – قازاقستاننىڭ كولدەرى مەن سۋ قويمالارىندا ۇستالىنعان بالىقتى دەلدالسىز جەتكىزۋ. سۋ جاعاسىنان شىققان بالىق 12 ساعات ىشىندە دۇكەندە بولادى. سونىمەن قاتار، ءبىزدىڭ دۇكەندە رەسەي جانە وزگە مەملەكەتتەردىڭ دە مۇزداتىلعان بالىق ونىمدەرى بار. ءبىز ءارقاشان بالىقشىلارمەن تىكەلەي جۇمىس ىستەيمىز، سوندىقتان تۇتىنۋشىلارعا ەڭ قولجەتىمدى باعامەن ۇسىنامىز.
ءبىزدىڭ ميسسيامىز – ەلىمىزدىڭ ءاربىر وتباسىن سالاۋاتتى جانە پايدالى بالىق ونىمىمەن قامتاماسىز ەتۋ.
– بۇل جۇمىستىڭ ءسىز سياقتى مەنشىك يەسىنە تارتىمدىلىعى قانداي؟ وسى سالادا قانشا ۋاقىت جۇمىس اتقارىپ كەلەسىز؟ ءبارى قالاي باستالدى؟
– بۇل سالادا جۇرگەنىمە 18 جىلداي بولدى. ءبىز الماتىعا جۇبايىم ەكەۋىمىز 20 جىل بۇرىن كەلدىك. بالالارىمىز سول كەزدە اتا-انامنىڭ قولىندا قالدى. باستاپقىدا الماتىعا كەلگەنىمىزدە جۇمىس تاپپاي قاتتى قينالدىق. سودان كەيىن باستى كوپشىلىك سياقتى مەندە بازارعا باردىم. ساۋدا سالاسىنا جۇگىندىم. كارتوپ، جەمىس-جيدەكتەر ساتىپ تا كوردىك. ودان ايتارلىقتاي تابىس تاپپاعاننان كەيىن، ءار نارسەنى بايقاپ، سۇراپ ىزدەنىستە ءجۇردىم. سولاي سۇراستىرا كەلە بالىق ءونىمىنىڭ حالىققا پايدالى جانە جاقسى كورەتىن ءونىم ەكەنىن ءتۇسىندىم. سول كەزدەگى ساۋدا سالاسىنداعى جۇرگەن سىنىپتاسىمنىڭ ايتقان ءسوزى مەنى قاناتتاندىرعانى ءالى ەسىمدە: «دانيار، سەن بىزدە وتە جاقسى وقىپ ەدىڭ عوي، ءبىزدىڭ قولدان كەلگەن تىرلىك سەنىڭ دە قولىڭنان كەلەتىنىنە مەن سەنىمدىمىن» دەيتىن. وسىلاي شەشىم قابىلداندى.
– ءسىز تۇتىنۋشىلارىڭىزدى قالاي سيپاتتايسىز؟ سىزدەر كىمگە قىزمەت كورسەتەسىزدەر؟
– ءبىز ءار تۇتىنۋشىعا قۋانىشتىمىز. ونىڭ ىشىندە – زەينەتكەرلەر، وتباسىلىق ادامدار، ءىرى مەيرامحانا يەلەرى جانە دە بالىق ءونىمىن جاقسى كورەتىن جاندار. ءبىز ءۇشىن ءار وتباسىن بالعىن جانە پايدالى ونىمدەرمەن قامتامىز ەتۋدىڭ ماڭىزى زور.
– ءسىزدىڭ كوماندا ءۇشىن ەڭ ماڭىزدى قۇندىلىقتار؟
– ادالدىق – ءاربىر تۇتىنۋشىعا ادال جانە ساپالى تۇرعىدا قىزمەت اتقارام. وتباسىلىق – ءبىزدىڭ كوماندا، ۇيىمشىل ۇلكەن وتباسى. ءبىز ءارقاشان ادامدارعا بالىق ونىمدەرىنەن تاعام دايىنداۋ بويىنشا ءتيىستى كەڭەس بەرۋگە رازىمىز. دەنساۋلىق – ءبىرىنشى بايلىق ەكەنىن تۇسىنەمىز، وسىعان وراي ادام دەنساۋلىعىنا پايدالى جانە كاجەتتى ءونىمدى ەڭ قولجەتىمدى باعامەن ۇسىنامىز. كاسىبيلىك – ءبىز اينالىسقان قىزمەتىمىزدى جاقسى كورەمىز. ءبىزدىڭ كوماندادا ءارقايسىسى ءوزىنىڭ جۇمىسىنا قىزىعۋشىلىق تانىتاتىن ناعىز كاسىپقويلار. ىنتا جانە ىزەتپەن بەرىلىپ جاسالعان جۇمىس ساتۋشىدان باستالىپ بالىق بولۋشىگە دەيىن دۇكەندە احۋالعا ىقپال ەتەدى. جالپى ىسكە ورتاق ۇلەس – الفيش دۇكەنىندە بارلىعى قول جەتىمدى باعالار. قوسىمشا قىزمەت رەتىندە – بالعىن بالىقتىڭ ءار تۇرلەرىنە 10 پايىزعا دەيىن زەينەتكەرلەرگە ارنايى جەڭىلدىك. كوماندامىزدىڭ ۇمتىلىسى وسى باعىتتا. ءدال وسى قاعيدا بويىنشا ءبىزدىڭ ءونىم بەرۋشىلەر دە جۇمىس اتقارادى. ويتكەنى، بۇل – ءبىزدىڭ ورتاق ماقساتىمىز. ەگەر مەملەكەت حالىققا الەۋمەتتىك كومەكتەر بەرەتىن بولسا، نەگە شاعىن كاسىپكەرلەر بەرۋى مۇمكىن ەمەس؟ مەنىڭ ويىمشا، بۇل ابدەن مۇمكىن.
– كومپانيانىڭ قانداي ماقساتتارى بار؟
– الەمدىك نارىققا ساپالى قازاقستاندىق ءونىمدى شىعارۋ. ءقازىر بۇل تۇرعىدا كوپ جوبالار دايىندىق ۇستىندە. بۇل جوبامىز حالىقتىڭ كوڭىلىنەن شىعىپ جاتسا، قازاقستاننىڭ باسقا دا قالالارىندا دا وسىنداي دۇكەندەر اشساق دەگەن ويىمىز بار. سونداي-اق، قازىرگى ۋاقىتتا كوتەرمە ساتىپ الۋشىلارعا جانە مەيرامحانالارعا بالىقتى قولايلى باعامەن تارتۋدامىز. ونىمدەردى تەگىن ءتيىستى جەرگە ارنايى كولىكپەن جەتكىزە الامىز. ءسىزدىڭ قالاۋىڭىز بويىنشا، ءونىمدى فيلە، تۋشكا، نەمەسە ستەيك تۇرىندە الۋعا بولادى.
– قانداي الەۋمەتتىك بەلسەندىلىك (قايىرىمدىلىق) ىسپەن اينالىساسىز؟
– بالالار ۇيىنە، رۋحاني ورتالىعىنا كومەك كورسەتۋدەمىز جانە دە قازىرگى تاندا زەينەتكەرلەرگە ارنايى باعامەن بالىق ونىمدەرى ساتىلۋدا.
اينۇر نۇرلان قىزى
