ب ا ق وكىلدەرىنىڭ قاتىسۋىمەن وتكەن كەزدەسۋدە جەتەكشى ۋنيۆەرسيتەتتىڭ 2020-2022 جىلدارداعى باستى ناتيجەلەرى مەن جەتىستىكتەرى جانە الداعى دامۋ جوسپارى تانىستىرىلدى.
رەكتوردىڭ ايتۋى بويىنشا، بۇگىندە ءال-فارابي اتىنداعى قازۇۋ – الەمدەگى 200-توپ ۇزدىك جوو قاتارىنا ەنگەن قازاقستان مەن ورتالىق ازياداعى جالعىز ۋنيۆەرسيتەت. QS جاھاندىق رەيتينگى بويىنشا ءبىلىم ورداسى 165ء-شى ورىندا. ۇلتتىق رەيتينگتەردە دە ۇنەمى كوش باستاپ كەلەدى.
ۋنيۆەرسيتەت مەملەكەتتىك جانە حالىقارالىق ستراتەگيالىق مىندەتتەردى شەشۋدە ايتارلىقتاي الەۋەتكە يە.
500-دەن استام، ونىڭ ىشىندە، الىس جانە جاقىن شەت ەلدەردىڭ جەتەكشى ۋنيۆەرسيتەتتەرىمەن بىرلەسىپ ازىرلەنگەن ءبىلىم بەرۋ باعدارلامالارى جۇزەگە اسىرىلۋدا.
ىسكە اسىرىلىپ جاتقان جوبالاردىڭ جالپى بيۋدجەتى 7،7 ملرد تەڭگەدەن اسادى. عىلىمي ماقالالار بويىنشا دا كوشباسشى بولىپ تابىلادى جانە رەيتينگتىك باسىلىمدارداعى ءاربىر بەسىنشى قازاقستاندىق جاريالانىم قازۇۋ عالىمدارىنا تيەسىلى.
2020 جىلى ۋنيۆەرسيتەت بەدەلدى «ۆەب وف ساينس» دەرەكتەر قورىنىڭ «عىلىم كوشباسشىسى» سىيلىعىنىڭ ءۇش نوميناسياسىنا يە بولدى.
قازۇۋ عالىمدارى COVID-19 ىندەتىنىڭ الدىن الۋعا بەلسەندى اتسالىسۋدا.
بريتاندىق «AVEVA Group plc» كومپانياسىمەن بىرلەسىپ ينجەنەرلىك جوبالاۋ ورتالىعى قۇرىلدى، ول كومپانيانىڭ ورتالىق ازيا وڭىرىندەگى العاشقى وكىلدىگى بولىپ تابىلادى.
ۋنيۆەرسيتەت جاھاندىق ترەندتەردى ەسكەرە وتىرىپ، جاڭا باعدارلامالاردى ەنگىزۋدە. اتاپ ايتقاندا، نەيروعىلىم، كرەاتيۆتى يندۋستريا، سيفرلىق ەكونوميكا، ەكولوگيالىق ينجينيرينگ، مەديا¬كوممۋنيكاسيا¬لار، دەرەكتەر تۋرالى عىلىم، سيفرلىق مۇراعاتتانۋ جانە قۇجاتتانۋ، باسقارۋدىڭ ينتەللەكتۋالدى جۇيەلەرى، نانوماتەريالدار جانە نانوحيميا.
جوعارى وقۋ ورنىنداعى باسىمدىقتاردىڭ ءبىرى – ستۋدەنتتەرگە الەۋمەتتىك قولداۋ بولىپ تابىلادى. قازىرگى تاڭدا ءبىر مىڭنان استام الەۋمەتتىك وسال ساناتتاعى «وقۋ وزاتتارى» مەن «جاقسى وقيتىن» ستۋدەنتتەر وقۋ اقىسىنا 10-نان 25%-عا دەيىن جەڭىلدىك الىپ وتىر. دەمەۋشىلەر قاتارىندا 50-دەن استام ۇيىم مەن كومپانيا بار.
ۋنيۆەرسيتەتتە كادرلىق الەۋەتتى دامىتۋعا ەرەكشە نازار اۋدارىلادى. اعىمداعى جىلدىڭ ناۋرىز ايىنان باستاپ وقىتۋشىلار مەن قىزمەتكەرلەردىڭ جالاقىسى 20%-عا ءوستى. وقىتۋشىلاردىڭ مارتەبەسى جانە ولاردىڭ ۋنيۆەرسيتەت دامۋىنا قوسقان ۇلەسى ارتىپ كەلەدى. وقۋ ورنىندا وقىتۋشىلاردىڭ حالىقارالىق قاۋىمداستىققا ەنۋىنە دە ۇلكەن كوڭىل بولىنەدى.
مەملەكەت باسشىسىنىڭ باستاماسى بويىنشا ءبىلىم جانە عىلىم مينيسترلىگى جىل سايىن 500 قازاقستاندىق عالىم شەتەلدىك تاعىلىمدامادان وتەتىن بولادى.
ۋنيۆەرسيتەتكە حالىقارالىق دەڭگەيدەگى عالىمدار، اقش جانە ەۋروپا جوو-لارىندا، ونىڭ ىشىندە كەمبريدجدە ساباق بەرۋ تاجىريبەسى بار ۋالباي ومىربايەۆ جانە بازبەك داۋلەتوۆ سىندى پروفەسسورلار تارتىلعان. ۋنيۆەرسيتەتتىڭ 400-دەن استام وقىتۋشىسى «جوو-نىڭ ۇزدىك وقىتۋشىسى» گرانتىنىڭ يەگەرى بولىپ تابىلادى، بۇل ەلدەگى گرانتتاردىڭ جالپى سانىنىڭ 20 پايىزىن قۇرايدى.
قازىرگى ۋاقىتتا ۋنيۆەرسيتەت كارانتيندىك شارالاردى ەسكەرە وتىرىپ، ق ر تاۋەلسىزدىگىنىڭ 30 جىلدىعىنا ارنالعان اۋقىمدى رەسپۋبليكالىق جانە حالىقارالىق ءىس-شارالار وتكىزۋدە. 19 مامىردا كورنەكتى اقىن و.سۇلەيمەنوۆتىڭ 85 جىلدىق مەرەيتويىنا ارنالعان حالىقارالىق ونلاين-كونفەرەنسيا ۇيىمداستىرىلسا، 31 مامىردا «ق ر مەملەكەتتىك تاۋەلسىزدىگى قالىپتاسۋىنىڭ ساياسي-قۇقىقتىق جانە ەكونوميكالىق ماسەلەلەرى: تاريح جانە قازىرگى زامان» اتتى حالىقارالىق عىلىمي-تاجىريبەلىك كونفەرەنسيا ءوتتى.
ق ر تاۋەلسىزدىگىنىڭ 30 جىلدىعىنا وراي «ەلباسى ساياباعى» اشىلدى.
ق ر تۇڭعىش پرەزيدەنتى – ەلباسى نۇرسۇلتان نازاربايەۆتىڭ قۇرمەتىنە بوي تۇزەگەن جەمىس باعىندا 300-گە جۋىق الما، شيە، ورىك اعاشى وتىرعىزىلدى.
ۇلىستىڭ ۇلى كۇنى قالاشىقتا «اعاشتار اللەياسى» اشىلدى. وندا ۇجىممەن بىرگە جالپى سانى 300-دەن استام قىرىم قاراعايى مەن التاي شىرشاسى وتىرعىزىلدى.
عىلىم قىزمەتكەرلەرى كۇنىندە سيۆەرس الماسىنىڭ 100-گە جۋىق كوشەتى ەگىلىپ، ول «عالىمدار باعى» دەپ اتالدى.
قازۇۋ رەكتورى ءسوز سوڭىن: «جالپى، ءال-فارابي اتىنداعى قازۇۋ ءبىلىم جانە عىلىم سالاسىندا ايتارلىقتاي ناتيجەگە يە. ءبىز ۋنيۆەرسيتەتتە 2021-2025 جىلدارعا ارنالعان نەگىزگى باسىمدىقتاردى كەڭىنەن تالقىلاۋدان وتكىزدىك. ۇجىم ەل اۋقىمىندا ستراتەگيالىق مىندەتتەردى شەشۋگە جانە ۋنيۆەرسيتەتتى ودان ءارى دامىتۋعا نيەتتى» دەپ تۇيىندەدى.
ءال-فارابي اتىنداعى قازۇۋ-دىڭ باسپا ءسوز قىزمەتى
