جوبا ق ر اقپارات جانە قوعامدىق دامۋ مينيسترلىگىنىڭ تاپسىرىسى بويىنشا ازىرلەندى.
ZOOM پلاتفورماسىندا ونلاين جانە گيبريدتى فورماتتا وتكەن شاراعا ق ر پارلامەنت دەپۋتاتتارى، مۇددەلى مەملەكەتتىك ورگاندار مەن (ىشكى ىستەر مينيسترلىگى، ق ر ەڭبەك جانە حالىقتى الەۋمەتتىك قورعاۋ مينيسترلىگى، ق ر دەنساۋلىق ساقتاۋ مينيسترلىگى، ق ر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ كوميتەتى) مەملەكەتتىك ەمەس ۇيىمداردىڭ، قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق دەموگرافيالىق ساياسات جونىندەگى ۇلتتىق كوميسسيانىڭ وكىلدەرى قاتىستى.
ققدي ۇلتتىق باياندامانى دايىنداۋ كەزىندە ەلىمىزدىڭ 17 وڭىرىندە، قالالىق جانە اۋىلدىق جەرلەردە 1200 ادامدى ىرىكتەپ، الەۋمەتتانۋلىق زەرتتەۋ مەن جاپپاي ساۋالناما جۇرگىزدى.
باياندامادا وتباسى ساياساتى سالاسىنداعى احۋالعا تالداۋ جاسالدى، وتباسىلاردى مەملەكەتتىك-الەۋمەتتىك قولداۋ، جانۇياداعى ءوزارا قارىم-قاتىناس جانە اتا-انا بولۋ الەۋەتى، ايەلدەر مەن وتباسى ينستيتۋتىنىڭ سىبايلاس جەمقورلىقتىڭ الدىن الۋعا جانە وعان قارسى ءىس-قيمىلعا ىقپالى سارالاندى، وتباسىنى قولداۋ ورتالىقتارىنىڭ قىزمەتىنە زەرتتەۋ جۇرگىزىلدى.
شارا «قازاقستاندىق قوعامدىق دامۋ ينستيتۋتى» كەاق باسقارما ءتوراعاسىنىڭ ورىنباسارى اسەم قايداروۆانىڭ مودەراتورلىعىمەن ءوتتى.
«قازاقستاندىق قوعامدىق دامۋ ينستيتۋتى» كەاق وتباسى ينستيتۋتىن زەرتتەۋ ورتالىعىنىڭ جەتەكشىسى جۇلدىز باتتالوۆا «قازاقستاندىق وتباسىلار – 2022» ۇلتتىق بايانداماسىنىڭ ماقساتىن ايتىپ، 4 تاراۋىنا جەكە-جەكە توقتالدى.
«بايانداما 4 تاراۋدان تۇرادى، ولاردىڭ ءارقايسىسىندا بىرنەشە كىشى بولىمدەر بار. ءبىرىنشى تاراۋدا ق ر وتباسى ساياساتىن ىسكە اسىرۋداعى اعىمداعى جاعدايدىڭ تالداۋى مەن زاڭناماداعى پروبلەمالار، مەملەكەتتىك ينستيتۋتتاردىڭ، سونداي-اق وتباسىن قولداۋ ورتالىقتارىنىڭ قىزمەتى زەردەلەندى. ەكىنشى تاراۋدا از قامتىلعان وتباسىلاردى مەملەكەتتىك الەۋمەتتىك قولداۋ ماسەلەلەرى قارالدى. ءۇشىنشى تاراۋدا قازاقستاندىق وتباسىلاردىڭ اتا-انا بولۋ الەۋەتىن قالىپتاستىرۋ جانە بالالاردى تاربيەلەۋ ەرەكشەلىكتەرىنە تالداۋ جاسالدى. سوڭعى تاراۋدا وتباسى ينستيتۋتىنىڭ وزگەرۋى، سونداي-اق وتباسى ساياساتىن ىسكە اسىرۋدىڭ حالىقارالىق تاجىريبەسى، بالا تاربيەسىندەگى اكەنىڭ ءرولى، ايەلدەر مەن وتباسى ينستيتۋتىنىڭ سىبايلاس جەمقورلىقتىڭ الدىن الۋعا جانە وعان قارسى ءىس-قيمىلعا ىقپالى زەرتتەلدى»،-دەدى سپيكەر. ونىڭ ايتۋىنشا:
«باياندامانىڭ ماقساتى – وتباسى ينستيتۋتى سالاسىنداعى نەگىزگى پروبلەمالار مەن ترەندتەردى انىقتاۋ جانە قازاقستان رەسپۋبليكاسىنىڭ وتباسى ساياساتىن جەتىلدىرۋ ءۇشىن پراكتيكالىق ۇسىنىستار ازىرلەۋ».
كەزدەسۋدە بۇۇدب مەن ق ر ەڭبەك جانە حالىقتى الەۋمەتتىك قورعاۋ مينيسترلىگىمەن كەلىسىم شەڭبەرىندە «مۇگەدەك ادامداردىڭ ەكونوميكالىق بەلسەندىلىگى ءۇشىن جاعدايلار جاساۋ» جوبالىق كەڭسەسىنىڭ ۇيلەستىرۋشىسى قۇرالاي جاروۆا بايانداما جاسادى. سپيكەر ءوز سوزىندە:
«قازىرگى ۋاقىتتا مۇگەدەكتەرگە اي سايىنعى تولەمدەردى تاعايىنداۋ ارنايى قۇجاتتار جيناقتاۋدى تالاپ ەتپەيدى، ويتكەنى بارلىق قاجەتتى دەرەكتەر اقپاراتتىق جۇيەلەردە بار.
جاردەماقى الۋ تاسىلدەرىنە دە وزگەرىستەر ەنگىزىلدى. اتاپ ايتقاندا، الەۋمەتتىك قامسىزداندىرۋ، بيزنەس-پروسەستەرىن وڭتايلاندىرۋ مەن سيفرلاندىرۋدىڭ ارقاسىندا كوپ بالالى وتباسىلار الەۋمەتتىك تولەمدەردى الۋ ءۇشىن حالىققا قىزمەت كورسەتۋ ورتالىقتارىنا بارماي-اق، سمارتفون ارقىلى ءوتىنىش بەرە الادى»،-دەدى.
ق ر پرەزيدەنتىنىڭ جانىنداعى قازاقستان ستراتەگيالىق زەرتتەۋلەر ينستيتۋتىنىڭ ساياسي زەرتتەۋلەر ءبولىمىنىڭ اعا عىلىمي قىزمەتكەرى تاتيانا ليپينا سىبايلاس جەمقورلىقتىڭ الدىن الۋ جانە وعان قارسى تۇرۋ پروسەسىندەگى ايەلدەر مەن وتباسى ينستيتۋتىنىڭ اسەرى تۋرالى باياندادى.
«گەندەرلىك كۆوتالار ۇيىمدارداعى، مەملەكەتتىك لاۋازىمدارداعى ايەلدەردىڭ سانىن ارتتىرادى جانە سىبايلاس جەمقورلىق دەڭگەيىن تومەندەتەدى. ازيانىڭ 38 ەلىنەن الىنعان دەرەكتەرگە نەگىزدەلگەن ەمپيريكالىق تۇجىرىمدار «ايەلدەردىڭ ساياسي ومىرگە ارالاسۋى ازيا ەلدەرىندەگى سىبايلاس جەمقورلىقتى ازايتۋى مۇمكىن» ەكەنىن كورسەتتى. قازاقستاندا بۇل گيپوتەزانى كەز-كەلگەن ۇيىمعا ايەل باسشى كەلگەنگە دەيىنگى جانە ودان كەيىنگى سىبايلاس جەمقورلىق دەڭگەيىن ولشەۋ ارقىلى تاجىريبە جۇزىندە تەكسەرۋگە بولادى.
«ايەلدەردىڭ ساياسي قۇقىقتارى مەن مۇمكىندىكتەرىن كەڭەيتۋ» يندەكسى بويىنشا قازاقستان 146 ەلدىڭ ىشىندە 103-ورىندا»،- دەدى سپيكەر.
شارا سوڭىندا قاتىسۋشىلار «اشىق ميكروفون» ارقىلى پىكىر الماسىپ، ۇسىنىستارىن ايتتى.
